Iha loron 17 fulan Janeiru Tinan 2023 Autoridade Munisípál Baucau realiza sorumutu Conselho Consultivu Munisípál iha Salaun Apuramentu Munisipiu Baucau,nebe’e lidera direita husi Presidente  Autoridade Munisípál objetivu husi sorumutu Conselho Consultivu Munisípál (CCM) maka hanesan:

1. Relata hikas servisu sira ne’ebe halao ona iha tinan 2022 hodi bele hetan fali Pareser ruma ligadu ba aktividaes sira ne’ebe ejekuta ona,no simu ideia hotu-hotu husi Asembleia Conselho Consultivu Munisípál, atu kuntinua fali ba iha preparasaun Planu Asaun Annual iha tinan 2023.
2. Parte importante seluk mak atu hakbesik governasaun ba komunidade no Promove Partisipasaun Komunidade iha desenvolvimentu local no hakbi’it seitor privado sira iha area remotas,iha implementasaun desentralizasaun administrativa.

Iha realizasaun Sorumutu Conselho Consultivu Munisípál ida ne’e  iha  Ajenda importante sira nebe’e lori ba iha intervensaun iha periodu partisipasaun Sivika mak hanesan; 1) Relatoriu Ezekusaun Orsmentu Jeral Estadu tinan 2022 no Pakote Orsamentu Tinan 2023; 2)Atualiza rezultadu enkontru membru konsultivu Munisípál Protesaun Civil no planu asaun Intervensaun Dezastre Naturais;3)Progresu servisu (PNDS) iha ambitu Implementasaun PNDS Regular,RSS,Be’e Mos no UKLRegular & Plus;4) Mekanismu distribuisaun Fini,prosesu atendementu ba normalizasaun Irigasaun no demonstrasaun area ba kultivasaun natar;5) Progressu konstrusaun fisiku projeitu PDIM Tinan 2022 no Projeitu Foun PDIM Tinan 2023; 6) progresu Projeitu ne’ebe halao ona husi Parseriu Desenvolvimentu (Internasional) hanesan Green Climate Fund (GCF) UNDP;7) Proposta Adisional nebe’e apresenta husi Conselho Nasional Joventude Baucau  (CNJTL) Sobre meiloramentu saneamentu (lixu).

iha intervensaun ba  agenda  sorumutu nian   membru CCM sira fo Pareser,rekomendasaun no aprovasaun sira mak hanesan tuir mai;

1. Autoridade Munisípál Baucau halo intervensaun ruma ba Servisu Munisípál Registu Notariadu e Cadastrais, atu hadia mekanismu atendementu ba komunidade sira ne’ebe halo Certidaun RDTL no Bilethe Identidade (BI) dala barak la atende hotu iha loron ida nia laran,husu atu fahe orariu tuir Postu Administrativo ou bele fasilita komunidade ba halao iha kada Postu administrative.
2. Husu Autoridade Munisípál Baucau atu bele kria mekanismu ida atu kontrola Lixu sira ne’ebe sai perkupasaun komunidade hanesan (sirkular ba bandu no aplika sansaun-(koima) ba ema nebe’e soe lixu Arbiru (fatin Publiku)
3. Rehabilitasaun Estrada husi Suku Abo ba Suku Lelalai la hetan Aprovasaun atu hatama ba iha Planu Asaun Annual Tinan 2024,tamba Estrada refere hola parte ona ba Planu husi Ministeriu Obras Publika.

Sorumutu Conselho Consultivu Munisípál (CCM) hetan partisipasaun maximu husi Membru Conselho Consultivu Munisípál sira,ne’ebe mai husi Liders Komunitariu,Organizasaun Naun Governamental,Partidos Politikus,Konvisoens Religiozo no representantes Intelektual hamutuk ema nain lima nulu (50) husi total Membru CCM ema nain hitu nulu resin sia (79).