𝐁𝐚𝐮𝐜𝐚𝐮: 𝐓𝐞𝐫𝐬𝐚, 16 𝐉𝐮𝐧̃𝐮 2026-
Austrália iha parseria ho Governu Timor-Leste ofisialmente lansa ona – Timor-Leste Australia Parseria ba Reziliensia Klimátika, (TLAusbaReziliensia), implementa husi World Vision no CARE iha Timor-Leste, iha parseria ho governu nasional no munisipiu no organizasaun naun-governu lokal (ONG) no organizasaun sosiedade sivil (CSO).
TLAusbaReziliensia maka programa prinsipál ba mudansa klimátika Austrália nian iha TimorLeste. Programa ne’e hakarak atu hametin seguransa bee nian, sai hanesan fundasaun ba reziliensia inkluziva ba klima no dezastre, partikularmente iha komunidade rurál vulneravel sira ne’ebé afetadu beibeik hosi variabilidade klimátika no dezafiu ambientál oi-oin.
Agradese ba Governu Australia tamba bele lori programa TLAusbaReziliensia mai iha Timor Leste espesialmente iha Munisipiu Baucau. TLAusbaReziliensia hanesan Aústralia nia programa prinsipál kona-ba mudansa klimátika iha Timor-Leste, ne’ebé foka ba hametin seguransa bee nian nu’udar fundasaun ba reziliensia klimátika no dezastre ne’ebé inkluzivu liu iha tarjetu komunidade rurais.
Programa ne’e kontribui ba objetivu longu prazu mak “Timor-Leste ne’ebé soberanu, estável no reziliente – Hadi’a seguransa bee ba reziliensia klimátika no dezastre iha Timor-Leste” liuhusi hamenus vulnerabilidade ba risku klimátiku no dezastre no haforsa komunidade nia prontu no kapasidade adaptativu.
TLAusbaReziliensia sei serbisu iha parseria besik ho Governu Timor-Leste liu husi servisu
Munisipal Be Samentu no Ambiente (SMASeA) inklui programa PARTISIPA hodi hametin ligasaun entre ONG sira, organizasaun sosiedade sivil hanesan no governu munisípiu sira, hodi tulun inklui aprosimasaun sira kona-ba seguransa bee no reziliensia iha nivel sub-nasional.
Programa ne’e implementa hahu husi Abril 2026 to’o Outubru 2029, servisu iha parseria besik ho Governu Timor-Leste, inklui kolaborasaun ho Austrália nia Parseria ba Dezenvolvimentu Suku no Administrasaun Munisipál (Australia’s Partnership for Village Development and Municipal Administration (PARTISIPA)) hodi hametin koordenasaun entre governu, ONG/OSC no komunidade sira.
Aprosimasaun ida-ne’e hakarak atu hametin seguransa bee nian ne’ebé maka impulsiona hosi komunidade, reziliensia no esforsu adaptasaun ba mudansa klimátika iha nivel sub-nasionál.