𝐁𝐚ucau : Tersa, 20 Outubru 2026-
Sekretariu Planeamentu Investimentu Desenvolvimentu Integradu (PIDI) Sr. Eduardo Filipe Ximenes ne’ebe hetan despaxu husi Prezidente Autoridade Munisipal fo kompetensia hodi asegura funsionamentu enkontru orgaun Konsellu Koordenasaun Munisipál ba loron 20 Outubru 2026, tanba Exelénsia PAM hamutuk ho Señór Sekretáriu Munisipál ADFIN akompaña Sua Exelénsia Ministru MAE atende konvokatóriu ba Audiénsia Públika ho Komisaun C, G no A iha Parlamentu Nasionál kona-ba Planu Asaun Anuál no OJE 2027. ne’ebé hahú husi loron segunda-feira horiseik no kontinua iha loron ohin.
Enkontru konsellu koordenasaun Munisipal Ida ne’e hala’o iha salaun Soi-Mali ho Nia ordem traballlo:
1. Produtu agríkola no kulinária ba Feira/Expozisaun Nasionál;
2. Mapeamentu no sistema alerta sedu ba antesipasaun impaktu EL NIÑO, prioridade ba seguransa Bee no seguransa ai-han;
3. Progresu konstrusaun Merkadu Munisipál Baucau no Zona Dezenvolvimentu Komersiál no Industriál ;
4. Aprovasaun final Planu Dezenvolvimentu Komunitária no atualiza ba sistema Portál�Munisipál Baucau ;
5. Asuntu seluk ba interese jerál.
Iha enkontru ne’e Sekretariu Planeamentu Investimentu Desenvolvimentu Integradu (PIDI) Sr. Eduardo Filipe Ximenes
hateten Enkontru ohin ita sei aprezenta asuntu importante sira tuir konvokatóriu ne’ebé ita boot sira simu, ita halo apresiasaun ba informasaun nesesáriu sira no fo mós pareser ka rekomendasaun no mós delibera asuntu ne’ebé nesesáriu liu-liu produtus ne’ebé sei lori ba expozisaun nasionál iha fulan oin. Ha’u dezeja ita hotu nia partisipasaun ativu iha diskusaun no husu mós ba ita hotu atu fo atensaun másimu durante sesaun aprezentasaun.
Asuntu sira ne’ebé ita sei aprezenta no diskute maka hanesan:
1. Produtu agrikola no kulinária ba Feira/Expozisaun Nasionál:
Orientasaun husi Sexa Ministru MAE ba munisipiu hotu-hotu inklui
munisípiu Baucau atu identifika no prepara produtu agríkola no kulinária inklui vestuáriu lokál ne’ebé sei aprezenta iha expozisaun nasionál hodi selebra loron proklamasaun Indepedénsia 28 Novembru ba dala 51. Kuantidade produtus, identidade kulinária no kulturál sei reprezenta munisipiu Baucau. Fiar katak Diretór Servisu Munisipál
Agrikultura no Diretór Servisu Munisipál Seguransa Alimetar koordena ona ho Administradór Postu Administrativu, produtores, kooperativa no grupu feto kona-ba
selesaun produtu hodi mobiliza ba expozisaun
refere. Presiza de’it maka orientasaun husi nasionál kona-ba
kalendáriu, espasu ba expozisaun, apoiu lojistiku no mekanizmu atu liga produtores ba expozisaun nasionál.
1. Mapeamentu no sistema alerta sedu ba antesipasaun impaktu EL NIÑO: asuntu ne’e importante tebes no dau-daun ne’e sai tópiku global no nasionál, ita presiza fo prioridade maka proteje seguransa Bee no seguransa ai-han liu husi mapeamentu área vulnerável, monitorizasaun fontes bee matan utiliza mapa rekursu Bee ne’ebé prodúz ona husi
2. DNRAS no SMASA inklui situasaun ba produsaun agrikola.�Autoridade Munisipál Baucau hamutuk ho entidade sira hotu presıza sistema alerta sedu ba komunidade ho informasaun simples no meius ba resposta bainhira iha afeitasaun husi El Niño. Propoin atu hametin armazenamentu, distribuisaun Bee, apoiu tékniku no define planu kontinjénsia ho responsabilidade tanba El Niño kuandu akontese sei afeita ba planu no orsamentu. Ezemplu ; projetu PNDS no PDIM sei la remata tuir kalendáriu implementasaun kuandu fatin projetu la iha Bee moos hodi suporta. Tanba ne’e, ita sei rona detalla ba informasaun husi�aprezentadór sira.
3. Progresu konstrusaun Merkadu Munisipál Baucau no Zona Dezenvolvimentu Komersiál no Industriál: ita sei haree no rona progresu fiziku konstrusaun merkadu munisipál husi Diretór�Delegasaun Ministériu Komérsiu no Industria ba empreza ne’ebé responsavel obras refere. Ba operasaun presiza klarifika modelu jestaun, kritériu alokasaun espasu ba vendedores.�Aproveita okaziaun ida ne’e, sei rona mós husi Diretór kona-ba zona dezenvolvimentu komersiál no industrial ho nia estatutu sira, ezemplu propriedade iha Postu Administrativu Vemase, presiza diskute iha forum ida ne’e atu ita hotu bele hatene no sita iha ata enkontru.
4. Aprovasaun final Planu Dezenvolvimentu Komunitária no
atualizasaun ba sistema Portál Munisipál Baucau: dokumentu estratéjiku ida ne’e importante tebes no agradese ba Autoridade Lokál no Komunitária ho estrutura servisu ne’ebé kompleta ona dokumentu inklui hetan mós revizaun husi ekipa nasionál. Ohin ita sei rona husi Diretóra Servisu Munisipál AONGeOc kona-ba rezumu ezekutivu husi suku 61 kona-ba prioridade ne’ebé konsellu suku propoin iha dokumentu refere, konsidera katak PDK sei sai referensia ba Planu Asaun Anuál iha tinan oin inklui oferta mós ba parseiru dezenvolvimentu sira ne’ebé hala’o atividade iha nviel suku. Ohin hafoin aprezentasaun ofisialmente upload ba Portál Munisipál nune’e públiku hotu-hotu bele asesu.
5. Asuntu seluk ba interese jerál – publisidade no ijiene/orden públiku: konsidera asuntu ne’e nu’udar adisionál proponente husi
Sekretáriu Munisipál PIDI tanba presiza tebes organiza publisidade iha espasu publiku atu evita instalasaun arbiru ne’ebé la iha lisensa hodi kontribui reseitas inklui mós asegura risku ba seguransa no impaktu ba aparénsia sidade Baucau, nune’e presiza kontrola ho nia regra, lisensa no fiskalizasaun ne’ebé klaru. lha área ijiene no orden públiku,
prioridade mak limpeza iha fatin públiku, merkadu no estrada, jestaun lixu, kontrolu okupasaun espasu públiku no sensibilizasaun
komunidade.
Membru Konsellu Koordenasaun Munisipál tópiku hirak ne’ebé ohin temin ne’e importante tebes tanba ne’e, dala ida tan husu atensaun másimu ba ita hotu ne’ebé hola parte iha forum ida ne’e. Hanesan ita nia lideransa nasionál sira hotu sempre hatete dezenvolvimentu munisipál la bele depende de’it ba orsamentu maibe presiza mós planeamentu di’ak, lideransa forte, koordenasaun inter-institusionál no partisipasaun ativa husi komunidade. Nune’e mai ita hamutuk garante katak investimentu ne’ebé governu esforsu hodi lori benefisiu real ba povu, fortalese governasaun lokál no kontribui ba objetivu dezenvolvimentu
Membru sira, lori ita hotu ne’ebé marka prezensa, ofisialmente ha’u loke sorumutu Konsellu Koordenasaun Munisipál.