𝐁𝐚𝐮𝐜𝐚𝐮:𝐊𝐢𝐧𝐭𝐚 12, Marsu 2026-
Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, nu’udar Prezedenti Konsellu Konsultivu Munisipál Baucau konvoka enkontru Extra-ordinariu ho Membru Konsultivu Munisipál hodi relasiona ho vizita husi Sua-Exelensia Primeiru Ministru IX Governu Konstitusionál Kay Rala Xanana Gusmão, ne’ebé markadu tersa-feira, loron 17 Marsu tinan 2026, ho objetivu prinsipal maka atu haree besik liu ba rezultadu kondisaun mínima iha faze desentralizasaun administrativa instituisionál molok hakat ba poder lokál.
Ordem traballu iha Reuniaun Konsellu Konsultivu Munisipál :
- Apresentasaun materia hirak ne’ebé sei aprezenta iha vizita sua exelensia Primeiru Ministru no governu Central ninian,
- Posse ba Membru dezignadu ne’ebé indentidade konfirmadu.
Membru ne’ebé simu posse hodi hola parte iha Konsellu Konsultivu Munisipál Baucau hanesan 1. Silvestre Ximenes 2. Evaresto António Ximenes 3. Mónica Auxilia Belo 4. Manuel de C. Marques 5. Roberto C. da Costa 6. Syamsul Bahri Ribeiro 7. Agostinho Correia.
Exelénsia Prezidente Autoridade Munisipál Baucau, Dra. Veneranda E. M. Lemos Martins hanesan mos Prezidente Konsellu Konsultivu Baucau hateten Konsellu ida ne’e importante no ohin loron fó tan tomada posse ba entidades nain 7 hodi kompleta Membru Konsellu Konsultivu sira.
Tanba konsellu ida ne’e mais alto iha Munisípiu atu halo apresiasaun ba planu no programa hotu no halo aprovasaun ba Ita-nia planu programa ka atividade saida deit mak halo iha Munisipiu hodi benefisia povu ka komunidade iha Baucau.
Husu Memrbo Konsellu Konsultivu Munisipál sira atu kumpri regras no instruisaun leituramentu sira hotu ne’ebé mak iha.