𝐁𝐚𝐮𝐜𝐚𝐮: 𝐊𝐢𝐧𝐭𝐚 23 𝐀𝐛𝐫𝐢𝐥 2026-
World Vision Timor-Leste nomos Care International Ne’ebé Hetan Apoiu Fundus Husi Governu Australia Liuhosi Departamentu Nesgósiu Estrajeiru no Komérsiu (DFAT), Marka Audénsia Ho Autoridade Munisipiu Baucau, hodi Introdus Programa Rezilensia.
Objetivu husi enkontru ida ne’e, ekipa hodi aprezenta konteúdu programa no planu implementasaun sira hodi aliña ho prioridade Dezenvolvimentu Munisipal ho reziliensia klimatika iha setor bee, saneamentu, ijiene, no ambiente.
Liuhusi enkontru ne’e bele kanaliza servisu munisípal relevante atu bele servisu hamutuk hodi fó apoiu di’ak liu tan ba preparasaun lansamentu no implementasaun programa hamutuk ho servisu munisipál setór xave no relevante sira iha nivel munisipál ao mesmu tempu Exelénsia Prezidente Autoridade Munisipál Baucau hodi atende lansamentu programa iha nivel nasionál ne’ebé mak sei hala’o iha fulan Maiu nia laran.
Iha enkontru ne’e II Sekretariu Munisipál de Planeamentu Investimentu e Dezenvolvimentu Integrado Sr. Eduardo F. Ximenes, reprezenta Prezidente Autoriadade, hateten kona-ba servisu hamutuk ida ne’e autoriadade munisipiu prontu atu asegura servisu ida ne’e hamutuk ho parseiru sira, agradese tanba ekipa ida ne’ebé boot tebes, hodi apoiu liutan autoridade munisipiu, husu atu foku mós ba iha sustentabilidade, atu nune’e too tempu programa ne’e remata, autoriadade lokál ka munisipiu bele kontinua nafatin.