What to know
Husi fatin ás Baucau nia, nebe nakonu ho foho nebe furak, hanesan Matebian nebe domina tiha horizonte. Foho Matebian ne protejida no konsideradu foho sagradu. Atu sa’e foho Matebian, bele lao ho ema rai-nain husi Baguia ou ema husi aldeia hirak nebe besik nia hun(ninia alkanse), maibe laos tarefa nebe fásil. Diresaun ba nia tutun, iha vejetasaun oin-oin no fatuk ho forma oin-oin ho anin nebe fresku no vista nebe furak nebe bele hare hetan foho Mundo perdido nofoo Ramelau kompensa tebes kolen nebe iha.
Iha parte sul husi munisípio Baucau nia ita bele hetan arkitektura kolonial nebe impresionante tebes nebe oferese vista nebe kapás, espesialmente vista ba foho Matebian iha parte leste. Iha neba mos bele hetan fontes-termais naturais (bé-manas natural) nebe lokaliza iha Uaicana no mos fatuk-kuak antigo (tunel antigu) nebe husik hela husi japonês sira wainhira sira okupa Timor-Leste iha funu mundial dala rua nia.