Baucau (iha lia-portugés: Baucau) postu administrativu ida iha munisípiu Baukau, Timór Lorosa’e nian. Bazeia ba Census Populasaun tinan 2022, total Populasaun Posto Administrativo Baucau hamutuk 54,430 mane hamutuk ema 27,351 e feto 27.079. Entre total populasaun nee, idade husi 0-14 hamutuk ema 14755, idade 15-59 hamutuk ema 7728 e idade 60 ba leten hamutuk 1589.

• Bahu
• Bucoli
• Buibau
• Buruma
• Caibada
• Gariuai
• Samalari
• Seical
• Tirilolo
• Triloca
• Uailili

Jeografia

Fronteira postu administrativu Baucau tuir Jeografia, parte leste baliza ho Posto Laga, parte oeste ho postu administrativu Vemasse, parte norte tasi feto no parte sùl baliza ho Posto Venilale no Quelicai. Área 367,50 km².[1]

Postu administrativu Baucau iha suku sanulu resi ida (11) mak hanesan tuir mai neé: Bahu, Bucoli, Buibau, Buruma, Caibada, Gari-uai, Samalari, Seiçal, Tirilolo, Triloca, Uailili.

Setór Ekonomia

Sentru ba rendimentu populasaun Baucau maka merkadu Baucau Vila Nova nebee bazar iha loron-loron, no bazar neé rame liu mak Kinta no Domingo. Liu husi bazar nee populasaun bele faan sira nia produtu oi-oin atu bele hatutan sira nia vida moris.

Komersio no negosiu maka loja kiik no kantina nebee faan sasan alimentar nebee limitadu ka uituan deit. Baibain sasan sira nee sosa iha Kapital Baukau ou Dili e balun husi produsaun povo nian.

Industria kiik iha postu administrativu refere mak dulas hare, dulas batar, halo kripik, homan luhu modelu oi-oin, halo tais, no fore-rai sona, fehuk sona, hudi sosa no sel-seluk tan.

Fatin nebee potensia ba Turizmu mak hanesan Piscina de Baucau, Tasi Wataboo, Piscina de Wailili, CCB, too agora sedauk hetan rendementu husi parte Turismu tamba vizitante oitaun liu.

Setór Infrastrutura

Obras antigu mak hanesan rezidensia administrador postu administrativu, ofisiu postu administrativu, Igreja, no obra arkitetura portuguesa too dadaun barak mak sei utilize. nst.

Kondisaun Estrada Baucau vila agora Iha kondisaun. Iha tempu okupasaun Indonesia kuaze alkatraun atu tama too suku no bairo iha vila laran maibee alkatrasaun sira nee aat hotu ona, e estrada sai fali bee dalan iha tempu udan. Transporte neébe sira sirkula iha vila mak mikrolet A1 – A5.

Populasaun iha postu administrativu Baucau Vila barak hetan bee moos, maibe iha parte Vila Nova komunidade balun sei hola bee, no bainhira presiza fase ropa no haris tenke ba iha Vila Antiga mak foin hetan bee.

Suku iha postu administrativu Baucau Vila hetan hotu ona eletrisidade.

Meus ba komunikasaun iha postu administrativu Quelicai kuaze iha hotu ona mak hanesan rede telefone, internet, no mos radiu ho televizaun.

Setór Agrikultura

Iha sub munisípiu Baucau vila mak hanesan hare, batar, fehuk- midar, ai-farina, koto, tomate, fehuk-roupa, repollu, kafé, mostarda, talas, kontas, lis- mean, lis- mutin, Kamii, nuu, hudi, haas, sabraka, jambua, kulu, kulu jaka, Ai-nanas no seluk- seluk tan

Animal sira nebee populasaun Baucau Vila hakiak mak hanesan: Karau-Timor, karau-baka, kuda, bibi- timor, bibi- malae, manu, fahi no asu.

Setór Edukasaun

Parte edukasaun iha Postu Administrativu Baucau Vila iha mudansa boot bainhira ita kompara ho tempu Portugues no Indonézia tamba kuaze suku hotu-hotu no Bairo balun iha  Baucau Vila iha hotu ona eskola EBC Filial, maske fasilidade, ekipamentu, material no mestre seidauk sufisiente ba eskola hotu- hotu.

Total Eskola Primaria Publiku no Privada iha postu administrativu Laga hamutuk 27 Eskolas.

Total Eskola Pre-Eskolar iha Baucau Vila hamutuk 4 eskolas

Total Eskola EB hamutuk 16 Eskola

Total Eskola Sekundaria Jeral hamutuk 4 Eskola

Total Eskola Teknika Vokasional hamutuk 3 Eskola.

 

Saude

Baucau Vila iha Sentru Saude 4 no Posto Saude 11 neébe eziste iha Baucau mak:

• Sentru Saude Riamare. Sentru Saude Riamari iha postu Saude Buruma, Caisido, Diwake, Caibada no Bahu
• Sentru Saude Bucoli.
• Sentru Saude Wailili. Sentru Saude Wailili iha Posto Saude Buibau, Samalari, Gariuai
• Sentru Saude Hospital Tirilolo

Turizmu

Baucau Vila nia panaroma ne’ebe furak tebes sei sai fatin tourizmu iha futuru. Fatin ne’ebe potensia dada turistas mak hanesan Piscina de Baucau, Tasi Wataboo, Tasi Uai-ono Waisa.

Língua

Lingua nebee populasaun postu administrativu Baucau Vila uza hodi halo komunikasaun mak hanesan: Tetun, Makasa’e, Waimua. Lian nee maioria populasaun koalia hodi halo komunikasaun ba malu.