𝐁𝐚𝐮𝐜𝐚𝐮: 𝐊𝐮𝐚𝐫𝐭𝐚, 07 𝐎𝐮𝐭𝐮𝐛𝐫𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, akompaña husi Asesor Prinsipál no Asesor Juridíco, audénsia ho Reprezentante Grupu Banku Mundiál Iha Timor-Leste, 𝐒𝐫. 𝐃𝐚𝐯𝐢𝐝 𝐅𝐫𝐞𝐞𝐝𝐦𝐚𝐧 ho nia delegasaun, partisipa mos husi Diretóra Unidade Parseira Públiku-Privada(UPPP) Ministeriu Finansa, 𝐒𝐫𝐚. 𝐒𝐢𝐭𝐚𝐥𝐢𝐧𝐚 𝐌. 𝐝𝐚𝐬 𝐃𝐨𝐫𝐞𝐬 𝐀𝐦𝐚𝐫𝐚𝐥.
Objetivu husi enkontru ne’e hodi ko’alia kona-ba projetu konstrusaun merkadu foun munisipal Baucau, foku prinsipál mak atu aliña vizaun tékniku finanseiru husi governu sentral ho realidade sosiál iha baze.
Prezensa husi Grupo Banco Mundial iha Baucau ho nia ekipa nomós Diresaun Nasionál Parseria Públika no Privadu diskute klean ho Autoridade Munisipál Baucau oinsa mak bele implementa modelu PPP iha aspeitu operasaun bainhira konstrusaun merkadu ne’e remata.
Posibiliza medida aplikasaun PPP ba operasaun merkadu modernu ne’ebé mak iha vantajen ba envolvimentu setor privadu nia operasaun.
Bainhira remata enkontru Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬, hamutuk ho Reprezentante Grupo Banco Mundial Iha Timor-Leste no Diretóra Nasionál UPPP, akompaña husi Asesor Prinsipal, Diretór Servisu Munisipais observa direta ba merkadu munisipál liu-liu viabilidade lokasaun hodi asesu nomós Infraestrutura Bázika no Saneamentu. Tuir dadus konstrusaun ba merkadu munisipál Baucau progresu atinje ona 5%.