𝐁𝐚𝐮𝐜𝐚𝐮: 𝐊𝐮𝐚𝐫𝐭𝐚 22 𝐀𝐛𝐫í𝐥 2026-
Delegasaun Feto Parlamentár Austrália hasoru malu ho Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬 hakarak hatene no komprende liu tan munisípiu Baucau ho nia lideransa feto, rona kona-ba oinsa parseria entre Timor-Leste no Austrália, liu-liu programa no projetu sira, hametin liu tán relasaun entre Timor-Leste no Austrália.
Iha intervensaun husi Exelénsia Prezidente Autoridade Munisipál katak “Orgullu tanba dahuluk Autoridade Munisipál Baucau hetan vizita husi Parlamentu Austrália. Feto forte, hatudu ba mundu katak labele tauk atu dezenvolve nia rain, nune’e feto Baucau oan prepara-an.”
Remata enkontru delegasaun husi Parlamentu Austrália almosu hamutuk ho Prezidente Autoridade Munisipál no membru Rede Lider Feto hodi rona esperiénsia no benefísiu ne’ebé hetan husi Rede Lideransa Feto, Sekretária Munisipál Asuntu Sosiál no Organizasaun Señora Maria Celestina Viegas no Xefe Suku Soba Señora Francisca M. de Fatima Soares maka reprezenta Rede Líder Feto hodi expresa hanoin ba delegasaun feto Parlamentár Austrália iha Rezidénsia Prezidente Autoridade Munisípiu Baucau.
Molok hakat ba ajenda traballu seluk, delegasaun Feto Parlamentár Austrália vizita sistema Bee moos ne’ebé konstrui husi PNDS iha Suku Bahu no rona mós feto nia pápel iha ekipa Operasaun no Manutesaun oinsa jere rekursu Bee moos.