Reprezentante Exélensia PAM Baucau, Sekretaria Munisipal Asuntu Sosias e Organizasaun Comunitarias Sra. Maria C. Viegas akompaña husi Asesór PARTISIPA Sr. Marciano P. da Luz, partisipa iha serimónia Entrega Ofisiál Relatoriu Avaliasaun Kompétensia, Sistema no Prioridade Formasaun ba SMASA, iha Salaun enkontru Obras Públika.
Objétivu husi atividadade ne’e maka sosializa fila fali rezultadu husi asesementu kompetensia no identifika frajilidade, forsa no prioridade sira, nune’e Autoriadde Munisipál bele utiliza relatóriu ne’e ba Planeamentu no mós Formasaun Rekursu Umanu hodi mellora prestasaun servisu públiku. Asesementu kompetensia foku liu ba área sira maka hanesan, Planeamentu, Aprovizionamentu, Bee Moos, Saneamentu, Ambiente no Planu Asaun Komunidade (KPK).
Hafoin remata sosializasaun ba asesmentu kompetensia Xefe Departementu Dezenvolvimentu Setór Bee no Saneamentu Señór Sebastião da Costa ofisialmente entrega relatóriu ba Sekretáriu Munisipál Asuntu Sosiál no Organizasaun Señora Maria Celestina Viegas nu’udar reprezenta Exelénsia Prezidente Autoridade Munisipál Baucau. Relatóriu ne’e bele utiliza no asegura nia implementasaun hodi integra iha planu formasaun no Planu Asaun Anuál.
Atividade ne’e partisipa husi Diretora SMASA, Xefe Departamentu, ekipa tékniku husi DNRAS inklui mós Estudante Estajiada UNTL.