𝐁𝐚𝐮𝐜𝐚𝐮:𝐓𝐞𝐫𝐬𝐚, 28 𝐉𝐮𝐥𝐥𝐮 2026-
Reprezentante Exelénsia PAM Baucau Sekretariu Munisipál Administrasaun no Finansas, Sr. Juvenal F. Belo, hanesan Prezidente Konsellu Koordenasaun Munisipál, akompaña husi Sekmu nain 2 hodi konvoka enkontru ida ne’e hamutuk ho membru Konsellu Koordenasaun Munisipál, iha salaun Soi-Mali.
Enkontru Konsellu Koordenasaun Munisipál ne’e hanesan orgaun apoiu Prezidente Autoriadade Munisipál hodi koordena, delibera, ánaliza no aprova atividade servisu administrasaun lokál estadu, ho orden traballu hanesan:
* Investimentu ba Dezenvolvimentu Lokál no Kápital Umana; Alokasaun orsamentu PNDS, PDIM no Programa Merenda Eskolár (2024-2026).
* Programa ezekusaun atividade Uzo de Solo.
* Estadu Rai, Propriedade no lista areamenru Estadu.
* Prestasaun servisu Saúde iha Ospitál Referál Eduardo Ximenes Baucau, Kondisaun Infraestrutura, Kualidade atendimentu, dezafiu no oportunidade.
* Divulgasaun Manúal Identidade no Norma Gráfiku sira hodi Uniformiza Dokumentu Ofisiál Administrasaun Lokál Timor-Leste.
* Divulgasaun Diploma Minesteriál nú. 31 /2023, 3 de Jullu. Rekoñesimentu Suku no Aldeia.
Intervensaun husi Reprezentante Prezidente Konsellu Koordenasaun Munisipál, Sekretariu Munisipál Administrasaun no Finansas Sr. Juvenal Daniel F. Belo, hakarak hato’o ba membru Konsellu Koordenasaun Munisipál katak Prezidente KKM la marka prejensa tanba partisipa iha seremonia Tomada de Posse PAM Aileu tanba ne’e maka hatun despaxu no fó kompeténsia ba Sekretariu Munisipál ADFIN hodi asegura funsionamentu enkontru Konsellu Koordenasaun Munisipál ba loron ohin nian atu bele lao ho di’ak, nune’e husu membru hotu nia partisipasaun ativu iha sesaun diskusaun no atensaun maximu ba ita hotu ne’ebé partisipa tanba tópiku hirak ne’e importante tebes, hanesan lideransa nasionál sira babain hateten Dezenvolvimentu Munisipál labele depende de’it ba orsamentu presija mos planeamentu ida ne’ebé di’ak nune’e lideransa forte Koordenasaun Inter-Institutional no partesipasaun ativa husi komunidade, mai ita hotu garante katak investimentu ne’e governu esforsu hodi lori benefisiu real ba povu no fortalese governasaun lokál no kontribui ho objetivu dezenvolvimentu nasionál
“ita hotu akonpaña iha Portal transferensia ita-nia ezekusaun orsamentu ne’ebé rekorda iha ne’eba sei hatudu katak foin maka atinji 49% hatudu katak ita seidauk kumpri regras ne’ebé iha tuir lolos iha ona 50% espera katak molok sesaun komisaun revizaun polítika ne’ebé sei akontese iha fulan Agostu, ita-nia ezekusaun bele atinji liu 60%”hatete Reprezentante KKM
Reprejentante KKM Baucau hatutan, kontinua presta ita-nia dezempeñu hodi servisu no tulun munisipiu Baucau nia naran di’ak iha nivél nasional, ba servisu delegasaun teritoriál hotu espera katak rona no simu ona informasaun husi ita boot sira-nia diresaun ka ministeiru kona-ba mudansa iha preparasaun planu orsamentu ba tinan fiskál 2027 nian, tuir orientasaun sirkular perparasaun orsamentu nú 1 no nú 2, husu nafatinatu fornese dadus ho lolos bainhira halo ajustamentu orsamentu iha estimativa fortura tantu perpara proposta tuir prioridade polítika governu ne’ebé define ita-nia problema ho lolos no orienta ba rezultadu.
Enkuantu iha aprezsntasaun ne’e Autoridade lokais husu Delegasaun Territorial Terra Propriedade halo sosializasaun maximu too iha baze hodi bele tulun komunidade sira atu komprende no hatene klean kona-ba regras ba propiedades no patrimoniu estadu nian.
Sorumutu ne’e partisipa husi membru konsellu koordenasaun , kompostu husi Sekretariu Munisipál na’in Rua, Administradór na’in ualu, Xefe suku ne’ebé reprezentasaun ASPA ida-idak, Diretora Nasional Planeamentu Urbana, Chefe Gabinete, ekipa Asesór PAM, Asesor PARTISIPA inklui mós ekipa tékniku sira.