Materia ne’ebé Prezidente Autoridade Munisipál Baucau, aprezenta foku liu ba valór orsamentu ne’ebé propoin iha kategória orsamentál (Saláriu Vensimentu, Bens Servisu, Transferensia Públika, Kapitál Minór no Kapitál Dezenvolvimentu) hodi sustenta no finansia ba atividade prinsipál ne’ebé governu sentrál atribui ona kompetensia tuir Dekretu Lei nú. 34/2025, 15 Outurbu ka alterasaun dah-neen husi Dekretu Lei nú. 3/2016, 16 Marsu. Kona-ba Estatutu Autoridade Munisipál no Grupu Tékniku Inter-Ministeriál ba Desentralizasaun Administrativa.
Aprezentasaun ne’e mós Exelénsia PAM Baucau, hato’o ba forum katak daudaun ne’e ezekuasaun Orsamentu Jerál Estadu 2026 ne’ebé govermu sentrál aprova ba Autoridade Munisipál Baucau inklui komitmentu atinje ona ba 52.66%. Iha oportunidade ne’e Exelénsia PAM Baucau mós aprezenta ba forum ne’ebé lidera husi Sua Exelénsia Ministru Administrasaun Estatal kona-ba orsamentu projetu PDIM 2026 no lista prioridade Planu Investimentu Munisipál 2027 ne’ebé aprova ona husi orgaun konsulta postu administrativu no orgaun konsulta Autoridade Munisipál.
Durante aprezentasaun Proposta Planu Asaun Anuál 2027, Exelénsia PAM mós hato’o iha forum KKT katak governu sentrál liuhusi Ministeriu Administrasaun Estatal ne’ebé lidera husi Sua Exelénsia Ministru, Tomás do Rosário Cabral, ne’ebé esforsu maka’as tebes ba realizasaun poder lokál maibe depende ba vontade no espiritu koloaborativa husi ekipa servisu iha Autoridade Munisipál.
Rekomendasaun ne’ebé sita iha aprezentasaun: Líder másimu iha Autoridade Munisipál Baucau ne’e akresenta kona-ba problema dezatre naturais ne’ebé akontese iha teritoriu laran tomak afeta ba infreastrutura sira hodi fó impaktu ba komunidade sira hanesan iha munisípiu Baucau, Postu-Administrativu Baguia, ligasaun estrada ente suku Hae-Coni no Afaloicai hetan estragus total afeta ba komunidade nia asesu.