Atu hetan informasaun detallu, bele haree iha link tuir mai ne’e: https://baucau.gov.tl/tenderizasaun/anunsiu-konkursu-publiku-munisipal-submisaun-proposta-ba-konstrusaun-obras-publika-new-construction-of-archive-building-pdim-tinan-fiskal-2026/
𝐁𝐚𝐮𝐜𝐚𝐮: 𝐓𝐞𝐫𝐬𝐚, 22 𝐒𝐞𝐭𝐞𝐦𝐛𝐫𝐮 2026-
Reprezentante Exelénsia Prezidente Autoridade Munisipál Baucau, Sekretária Munisipál Asuntu Sosiál no Organizasaun, 𝐒𝐫𝐚. 𝐌𝐚𝐫𝐢𝐚 𝐂. 𝐕𝐢𝐞𝐠𝐚𝐬, abertura sensaun traballu indentifika no atualiza mapamentu parseiru desenvolvimentu inklui sosiedade sivil (organizasaun feto no organizasaun ema ho difisiensia iha nivel munisipal)
Objetivu Prinsipál husi sesaun traballu ne’e mak
1. Identifika tipu atividade, área kobertura ka lokalizasaun parseiru dezenvolvimentu ne’ebé dezigna ka implementa atividade iha munisípiu Baucau.
2. Harmoniza no sinkroniza atividade
Nasionál Internasionál, Nasionál no Lokál ne’ebé suporta Autoridade Munisipál Baucau ba programa dezenvolvimentu hotu-hotu iha faze implementasaun polítika desentralizasaun institusionál nune’e bele aliña ho Polítika Prioridade Governu no responde ba dokumentu estratéjiku sira Planu Dezenvolvimentu Munisipál no Planu Dezenvolvimentu Komunitária;
3. Atualiza mapeamentu ba Parseiru Dezenvolvimentu ne’ebé antes ne’e prodúz ona;
4. Reforsa kooperasaun entre Parseiru Dezenvolvimentu, Sosiedade Sivil no Autoridade Munisipál ba implementasaun atividade.
𝐁𝐚𝐮𝐜𝐚𝐮:𝐒𝐞𝐬𝐭𝐚, 18 Setembru 2026-
Autoridade Munisipál Baucau, liuhusi Sekretáriu Munisipál PIDI, Sr. Eduardo Filipe Ximenes, hamutuk ho Asesor Prinsipál akompaña husi Administradór Postu Administrativu sira,hala’o enkontru ho entidades relevante, setor privadu sira iha munsipiu Baucau hodi koalia kona-ba preparasaun festival nasional desportu ba tinan 2026.
Iha enkontru ne’e atu fahé informasaun no hato’o ideias no proposta no indentifika forma kontribuisaun husi setor privadu lokal, hodi hametin servisu hamutuk Autoridade munsipal Baucau intiuisaun relevante sira no emprezariu baucau oan ba preparasaun no realizasaun FND 2026.
Baucau: Kinta, 17 de Setembru 2026-
Sekretária Munisipál Asuntu Sosiál no Organizasaun, Sra. Maria C. Viegas nu’udar reprezentante Exelénsia PAM Baucau abertura Sesaun Traballu Kona-ba Estabelesimentu Pre-Eskolar, Prevensaun Direitu Labarik, Pensaun Sosiál no Protesaun Sidadaun ho Defisiensia nomos Rejime Bens Imovél hodi Asegura no Kontribui.
Reprezentante PAM Baucau hateten lori Exelénsia PAM Baucau nia naran hato’o agradese ba partisipantes hotu ne’ebe ohin marka prezensa iha ne’e tanba aprezentasaun ne’e importante tebes ne’ebé liga direta ba atendimentu sosiedade sira iha baze.
“Ha’u mos hakarak hato’o ba Xefe suku nomos Administradores Postu sira katak ita-nia parseriu ajénsia PARTISIPA ne’ebé durante ne’e fasilita autoriadade hahu husi 2025-2028 liuhosi Rede Lideransa Feto, ne’ebé foku hodi fasilita lider feto sira ne’ebé asume kargu Xefia hotu-hotu, hodi kapasita liután lider feto sira no apoiu hamutuk halo dezenvolvimentu ba igualdade jéneru nian, hodi nune’e aprezenta ba Xefe Suku no APA hotu karik ami-nia karta haruka ba bele tau konsiderasaun hodi apoiu no fó autorizasaun ba maluk feto sira mai partesipa” dehan SekMu ASEO
Iha aprezentasaun husi Diretór Edukasaun ko’alia kona-ba Planu Rede Pre-Eskolar; Diretór SSSI kona-ba Lei protesaun Labarik; Koordenadór INSS aprezenta kona-ba Protesaun espesiál Estadu (Pensaun Sosiál no Defisiensia); Diretór DTPSC aprejenta kona-ba Rejime Espesiál Titularidade Bens Imovél kontinua ho Notária Munisípiu Baucau kona-ba Rejistu Prédial no iha aprejentasaun ikus nian husi Ekipa Taksfore kona-ba Divulgasaun sirkular prevensaun moras RAIVA
Antes remata enkontru ida ne’e iha mos diskusaun no rekomendasaun husi autoriadade lokál sira kona-ba Divulgasaun moras RAIVA nian ba too terrenu nomos Planu Rede Pré-Eskolar atu nune’e bele tulun sosiedade sira kompriende klean liutan kona-ba divulgasaun hirak ne’e; nune’e mos Xefe Suku sira husu atu tau matan no hadia nafatin kona-ba servisu Protesaun Espesiál Estadu (Pensaun Sosiál no Defisiensia) ne’ebé maka too agora sai nafatin preokupasaun boot ba autoridade lokál no nia komunidade sira iha area rurál
Enkontru realiza iha Sentru Konvensaun Baucau ne’ebé partisipa husi Administador Postu Administrativu sira, Xefe Suku sira, Maluk Kondisaun Espesiál , Rede Lideransa Feto, Organizasaun Feto, Diretór Nasional Pré-Eskolar, Diretór Edukasaun Munisipál, Reprezentante PARTISIPA Nasionál, Diretora AEONGeOC nomos Sosiedade Sivil.
𝐁𝐚𝐮𝐜𝐚𝐮: 𝐒𝐞𝐬𝐭𝐚, 11 𝐒𝐞𝐭𝐞𝐦𝐛𝐫𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, nu’udar Prezidente Orgaun Koordenasaun Munisipal, konvoka enkontru ho Membru Konsellu Koordenasaun Munisipal Baucau iha salaun enkontru Munisipál Soi-Mali. Orden traballu ba enkontru regulár fulan Setembru nian maka hanesan:
1. Aprezenta estimativa futuras 2027 no proposta PPGs 3, 6, 10, 19, 20 no 26;
2. Proposta modelu Parseria Públiku Privadu ba Operasaun no Manutensaun Merkadu Munisipál Baucau;
3. Konfirmasaun dadus área aldeia ho kategoria: remota, muito-remota no extremamente remota;
4. Progressu ezekusaun orsamentu husi fulan Janeiru to’o Agostu 2026 no estimativa futuras 2027;
5. Progressu implementasaun projetu PDIM 2026;
6. Igualdade Jéneru no partisipasaun feto;
7. Aprezenta ezbosu sirkulár kona-ba Medida urjente ba kontrolu asu no prevensaun moras raiva iha Munisipiu Baucau.
Iha intervensaun ba abertura sorumutu Konsellu Koordenasaun Munisipál, Sua Exelénsia Prezidente Autoridade Munisipal Baucau, Dra. Veneranda E. M. Lemos Martins, hato’o agradesimentu ba lideransa komunitária sira ho partisipasaun ema hotu-hotu nian, ne’ebé lori susesu boot liu husi selebrasaun ne’ebé halo ona iha ita nia Munisípiu Baucau ho di’ak.
“Uluk na-na’in hakarak hato’o parabens ba ita boot sira katak, fulan Agostu ita selebra festa boot rua maka hanesan: (1) selebrasaun loron FALINTIL-FDTL ba dala 51 iha foho Matebian (2) selebrasaun loron konsulta populár ba dala 27 iha munisípiu Manatuto no Postu Administrativu Vemase, ita hotu nia apoiu hahú husi preparasaun to’o realiza selebrasaun loron nasionais ne’ebé konsidera susesu, tanba ne’e ita tenki agradese ba ita nia an rasik no mós ba ema hotu-hotu hotu ne’ebé fo nia tempu tomak.
Ita hotu akompaña movimentu atividade semana dahuluk fulan Setembru ne’ebé okupadu tanba ita nia Estadu Timor-Leste, Governu Sentrál no Konferensia Episkopál Timorense organiza no simu restus mortais ba preladus na’in tolu: Dom Jaime Garcia Goulart, Dom José Joaquim Ribeiro, Monseñor Martinho da Costa Lopes no Dom Alberto Ricardo da Silva. Restus mortais hirak ne’e molok haloot iha kinta-feira, 10 Setembru, iha igreja katedrál Dili sei hahú ho misa solene iha Tasi tolu ne’ebé prezide husi *Sua Eminénsia Cardeal Dom Virgílio do Carmo da Silva, SDB, Arsebispo Metropolitana Dili .”
Prezidente Autoridade Munisipál hatutan, materia aprezentasaun husi Sekretáriu Munisipál Administrasaun no Finansas ne’e importante tebes tanba tinan ne’e Ministériu Finansas hahú aplika mudansas metodolójia foun, tinan sira ba kotuk bolu *Komisaun Revizaun Orsamentu (KRO)* no Tinan ne’e hanaran *Komisaun Revizaun Polítika (KRP)* , materia ne’e tulun hodi fo koñesimentu ba membru konsellu sira hotu kona-ba saida maka Estimativa Futuras (EFs) no saida maka programa Prioridades Polítika Governu (PPGs) no entidade saida maka involve iha kada PPG ba elaborasaun proposta. Iha ita nia enkontru ohin ne’e mós sei fo aprovasaun ba sirkulár kona-ba *Medida urjente ba kontrolu asu no prevensaun moras raiva iha Munisipiu Baucau* , hafoin ita fo aprovasaun ekipa Task force RAIVA utiliza hodi kombate moras raiva iha ita nia munisipál Baucau. Tanba ne’e, husu atu membru konsellu sira hotu tau atensaun hodi partisipa ho di’ak no ativu iha diskusaun.
Remata aprezentasaun membru Konsellu Koordenasaun Munisipál halo diskusaun ba materia ne’ebé aprezenta husi Sekretáriu Munisipál, Diretóra Nasionál, Diretóra Servisu Munisipál Finansas, Diretór Servisu Munisipál Planeamentu Integradu no Dezenvolvimentu, Pontu Fokál SEII no Asesór Jurídiku. Nune’e Sua Exelénsia Prezidente Konsellu Koordenasaun Munisipál ho Membru Konsellu sira fó apresiasaun no pareser liu husi diskusaun molok fo aprovasaun liu husi votasaun.
BAUCAU, 25 Agostu 2026 – Governu Timor-Leste liu husi Diresaun Nasionál Alterasaun Klimátika, Ministériu Turizmu no Ambiente, hamutuk ho World Vision Timor-Leste no nia konsórsiu, hahú sosializa Projetu GEF ba komunidade no autoridade iha Bacia Hidrográfika Dasidara ne’ebé kobre Munisípiu Baucau no Lautém.
Atividade Sosializasaun no Konsultasaun ne’e ofisialmente loke husi Sekretáriu Munisipál PIDI Munisípiu Baucau Sr. Eduardo Filipe Ximenes, iha loron Sesta, 22/08/26, iha Salaun Costa Motor, Tirilolo Baucau.
Iha nia diskursu, Sekretáriu Munisipál PIDI hato’o agradese ba Governu Timor-Leste no ba parseiru sira ne’ebé apoiu implementasaun projetu ho títulu: _“Adapting to Climate Change and Enabling Sustainable Land Management through Productive Rural Communities in Timor-Leste”.
Projetu ne’e hetan apoiu fundus hosi Global Environment Facility – GEF no implementa hamutuk ho World Vision Timor-Leste no nia konsórsiu: Fundasaun Carbon Offset Timor – F-COTI, Grupo – Sistema Informasaun Jeográfika – G-SIG, no Fundasaun Hafoun Timor-Lorosa’e – FHTL, inklui ONG nasionál Haburas.
Tuir Sr. Eduardo, projetu ida-ne’e nia objetivu prinsipál mak atu hametin jestaun bacia hidrográfika ne’ebé resiliente no sustentável ba mudansa klimátika. Liuhosi dezenvolvimentu Planu Dezenvolvimentu Integradu Bacia Hidrográfika Resiliente ba Klima, projetu ne’e sei kontribui atu responde ba risku klimátiku sira, degradasaun ambientál no vulnerabilidade komunidade sira iha Bacia Hidrográfika Dasidara.
Bacia Hidrográfika Dasidara kobre área iha munisípiu rua, mak Baucau no Lautém, ho target iha *suku 10* mak: Defawasi, Lavateri, Uacala, Atelari, Saelari, Sagadate, Euquisi, Ililai, Afabubu no Wairoque.
Atividade ne’e partisipa mós husi Diretór Jerál Ambiente, Reprezentante Diretór Jerál Ordenamentu Teritóriu, Diretór Nasionál Alterasaun Klimátika, Prezidente Autoridade Munisípiu Lautém, Administrador Postu Administrativu Baguia, Laga, Luro no Lautém, Diretór Servisu Munisipál sira, no Xefe Suku sira husi área alvu.
Iha oportunidade ne’e, Sekretáriu Munisipál husu ba Administradór Postu Administrativu sira, Xefe Suku sira no diresaun munisipál relevante sira atu kontinua hametin servisu hamutuk no kolaborasaun.
_”Kooperasaun ida-ne’e importante tebes atu garante implementasaun projetu bele la’o ho efetivu no susesu tuir planu ne’ebé estabelese ona,”_ nia hateten.
Nia subliña tan katak tanba mudansa klimátika mak dezafiu global ida ne’ebé afeta ita hotu, presiza duni kompromisu no partisipasaun hosi parte hotu-hotu atu proteje ambiente, aumenta seguransa bee, no promove dezenvolvimentu sustentável ba komunidade sira iha munisípiu rua ne’e.
Projetu GEF ne’e sei serbisu hamutuk mós ho *Servisu Munisipál Água, Saneamentu no Ambiente – SMASA*, governu munisípiu sira, no organizasaun sosiedade sivíl sira atu promove aprosimasaun integradu kona-ba seguransa bee, jestaun rekursu naturál no resilénsia komunidade hasoru impaktu mudansa klimátika.
Media Gabinete PAM Baucau
𝐁𝐚𝐮𝐜𝐚𝐮: 𝐊𝐢𝐧𝐭𝐚, 13 𝐀𝐠𝐨𝐬𝐭𝐮 2026-
Reprezentante Exelénsia PAM Baucau, Sekretariu Munisipál PIDI, Sr. Eduardo Filipe Ximenes, akompaña husi asesor Juridico abertura enkontru Plano Rede Pre-Eskolar iha salaun WEWE-Administrasaun Munisipál Baucau.
Objetivu husi enkontru ne’e atu hametin koordenasaun entre governu lokál no governu sentrál liu-liu iha dezenvolvimentu ba espansaun pre-eskolar, edukasaun pre-eskolar mak hanesan fundasaun importante ba dezenvolvimentu labarik nian no ba preparasaun ba sira-nia aprendizajen molok ba iha ensinu báziku. Ho objetivu atu asegura labarik hotu-hotu inklui sira ne’ebé maka moris iha área rurál hodi bele hahu sira-nia aprendijazen kualidade no inkluzivu.
Enkontru ne’e partisipa husi Diretór Gerál-EPEBR, Ekipa husi DNEPE, HANDS no JU’s, Sekretaria Asuntu Sosiais, Diretór Edukasaun Baucau, inklui mos Inspektores eskolar no Superintendente Edukasaun munisipál Baucau.
𝐁𝐚𝐮𝐜𝐚𝐮:𝐊𝐢𝐧𝐭𝐚 12, Marsu 2026-
Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, nu’udar Prezidente Konsellu Konsultivu Munisipál Baucau konvoka enkontru Extra-ordinariu ho Membru Konsultivu Munisipál relasiona ho vizita husi Sua-Exelensia Primeiru Ministru IX Governu Konstitusionál Kay Rala Xanana Gusmão, ne’ebé markadu ba tersa-feira, loron 17 Marsu tinan 2026, ho objetivu prinsipal maka atu haree besik liu ba rezultadu kondisaun mínima iha faze desentralizasaun administrativa institusionál molok hakat ba poder lokál.
Reuniaun Extra-ordinariu ho Membru Konsellu Konsultivu Munisipál, 12 Marsu 2026
Ordem traballu iha Reuniaun Konsellu Konsultivu Munisipál mak:
Membru ne’ebé simu posse hodi hola parte iha Konsellu Konsultivu Munisipál Baucau hanesan 1. Silvestre Ximenes 2. Evaresto António Ximenes 3. Mónica Auxilia Belo 4. Manuel de C. Marques 5. Roberto C. da Costa 6. Syamsul Bahri Ribeiro 7. Agostinho Correia.
Exelénsia Prezidente Autoridade Munisipál Baucau, Dra. Veneranda E. M. Lemos Martins hanesan mos Prezidente Konsellu Konsultivu Baucau hateten Konsellu ida ne’e importante no ohin loron fó tan tomada posse ba entidades nain 7 hodi kompleta Membru Konsellu Konsultivu sira.
Tanba konsellu ida ne’e mais alto iha Munisípiu atu halo apresiasaun ba planu no programa hotu no halo aprovasaun ba Ita-nia planu programa ka atividade saida deit mak halo iha Munisípiu hodi benefisia povu ka komunidade iha Baucau.
Husu Membru Konsellu Konsultivu Munisipál sira atu kumpri regras no instruisaun leituramentu sira hotu ne’ebé mak iha.ra atu kumpri regras no instruisaun leituramentu sira hotu ne’ebé mak iha.
𝐁𝐚𝐮𝐜𝐚𝐮: 𝐓𝐞𝐫𝐬𝐚, 24-02-2026-
Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, nu’udar Prezedente Konsellu koordensaun Munisipál (𝐂𝐂𝐌 , 𝐒𝐢𝐠𝐥𝐚 𝐏𝐨𝐫𝐭𝐮𝐠𝐞𝐬) lidera enkontru ordinariu ho Membru Konsellu Koordenasaun Munisipal, iha Salaun Apuramentu Munisípiu Baucau.
Membru Konsellu Koordenasaun Munisipál kompostu husi Sekretáriu Munisipál na’in tolu, Administradór Postu Administrativu na’in Ualu, Diretóres Servisu Munisipais, Diretores Delegasaun Territoriál inklui Autoridade Komunitária balun. Reuniaun Konsellu Koordenasaun Munisipál koalia kona-ba dezenvolvimentu no programa iha Munisipiu Baucau ho nia ordem traballu mak hanesan;
Molok tama ba apresentasaun Exelénsia Prezidente Autoridade Munisipal Baucau, hanesnan mos Prezidente CCM Baucau, husu membru konsellu sira atu servisu hamutuk hala’o kna’ar ho didiak ho responsabilidade atu servisu ba progressu dezenvolvimentu sustentavél iha munisípiu hodi lori benefisiu ba komunidade sira.
“𝑨𝒕𝒖 𝒅𝒆𝒉𝒂𝒏 𝒍𝒂’𝒐𝒔 𝒅𝒆’𝒊𝒕 𝒃𝒂 𝒑𝒓𝒐𝒈𝒓𝒂𝒎𝒂 𝒈𝒐𝒗𝒆𝒓𝒏𝒖 𝒏𝒊𝒂𝒏 𝒉𝒐𝒅𝒊 𝒉𝒂𝒌𝒂𝒓𝒂𝒌 𝒆𝒔𝒕𝒂𝒃𝒆𝒍𝒆𝒔𝒆 𝒅𝒆𝒔𝒆𝒏𝒕𝒓𝒂𝒍𝒊𝒛𝒂𝒔𝒂𝒖𝒏 𝒑𝒐𝒅𝒆𝒓 𝒍𝒐𝒌𝒂𝒍 𝒉𝒐𝒅𝒊 𝒍𝒐𝒓𝒊 𝒂𝒅𝒎𝒊𝒏𝒊𝒔𝒕𝒓𝒂𝒔𝒂𝒖𝒏 𝒉𝒂𝒌𝒃𝒆𝒔𝒊𝒌 𝒍𝒊𝒖 𝒃𝒂 𝒑𝒐𝒗𝒖, 𝒏𝒆’𝒆 𝒍𝒂’𝒐𝒔 𝒓𝒆𝒔𝒑𝒐𝒏𝒔𝒂𝒃𝒊𝒍𝒊𝒅𝒂𝒅𝒆 𝒆𝒎𝒂 𝒊𝒅𝒂 𝒏𝒊𝒂𝒏 𝒅𝒆’𝒊𝒕. 𝑴𝒂𝒊𝒃𝒆́, 𝒓𝒆𝒔𝒑𝒐𝒏𝒔𝒂𝒃𝒊𝒍𝒊𝒅𝒂𝒅𝒆 𝒊𝒕𝒂 𝒉𝒐𝒕𝒖 𝒏𝒊𝒏𝒊𝒂𝒏,” dehan Prezidente CCM Baucau.
Prezidente CCM hatutan, aliende ne’e Autoridade fó oportunidade ba Delegasaun Territoriál sira atu halo mos apresentasaun iha konsellu koordensaun Munispál nia oin hodi hetan apresisaun husi membrus sira hotu.
Tanba ne’e Autoridade mos kria Ambiente ida atu Delegasaun teritoriál sira labele sente katak ninia responsabilidade ba de’it Governu sentral, maibé sira mos hola parte iha prosesu administrasaun ninian iha munisípiu, katak konsellu ida ne’e sei loke mos oportunidade ba Delegasaun Teritoriál sira atu hato’o sira nian programa, sira nia atinjimentu no hato’o mos sira nia konstansiamentu iha prosesu administrasaun no prosesu atendementu públiku.
Baucau: 14/11/2024 Reprezentante PAM, II Sekretariu Planeamentu Dezenvolvimentu Integradu Sr. Eduardo Filipe Ximenes halo abertura workshop sensibilizasaun politika desentralizasaun no poder lokal ba feto partidu politiku no feto potensial iha Munisipiu Baucau hodi ativu iha prosesu preparasaun ba estabelesementu orgaun Munisipál liu-husi eleisaun Munisipiu ne’ebé sei akontese iha tinan oin .
Objetivu husi atividade ne’e atu partilha informasaun adekuada ba feto maluk sira hodi hatene no kompriende ho didiak kona-ba sistema no karakter eleisaun Munisipal no sistema politika desentralizasaun.
Tuir reprezentante Prezidente Autoridade Munisipál Baucau, II Sekretariu Munisipál PIDI, Sr. Eduardo Filipe Ximenes hateten: agradese ba fundasaun CAUCUS bele impodera no fahe informasaun relativamente ba feto sira bainhira feto sira atu partisipa iha vida politika, liu-liu iha nivél Munisipál.
#Remata
#Média PAM Baucau-2024
© 2026 Municipal Authority of Baucau
