𝐁𝐚𝐮𝐜𝐚𝐮: 𝐊𝐢𝐧𝐭𝐚, 16 𝐀𝐛𝐫𝐢𝐥 2026-
Exélensia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, insera treinamentu 𝐂𝐨𝐜𝐨 𝐒𝐡𝐞𝐞𝐭𝐬 ba Projetu Brand Timor, Organiza hosi Asosiação Empresarial dos Mulheres Timor-Leste Servisu hamutuk ho ILO hodi fo treinamentu ba Joven sira husi AEMTL no CDC nian hamutuk 25, kompostu husi munisipiu Baucau, Lautem no Viqueque.
Formasaun ne’e foku ba produsaun artezenatu liuhusi mateira Prima nu’u-kulit hodi Produz fila fali produtu seluk, hanesan Xapeu, tapete, sinelus pasta no seluk tan.Treimentu ne’e realiza Iha Centru Dezenvolvimentu Comunitariu Triloka Baucau hahú iha loron, 07 to’o 18 abril 2026.
Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, parabeniza pioneiru sira tanba bele uza tempu badak maibé bele produz ona produtu hirak ne’e ho rezultadu pozitivu.
“𝑯𝒂’𝒖 𝒔𝒆𝒏𝒕𝒊 𝒐𝒓𝒈𝒖𝒍𝒍𝒖 𝒕𝒆𝒃-𝒕𝒆𝒃𝒆𝒔 𝒕𝒂𝒏𝒃𝒂 𝒋𝒐𝒗𝒆𝒏 𝒇𝒆𝒕𝒐 𝒏𝒐 𝒎𝒂𝒏𝒆 𝒏𝒆’𝒆𝒃𝒆́ 𝒎𝒂𝒌𝒂 𝒊𝒉𝒂 𝒆𝒔𝒑𝒊𝒓𝒊𝒕𝒖 𝒗𝒐𝒏𝒕𝒂𝒅𝒆 𝒕𝒆𝒃𝒆𝒔 𝒉𝒐𝒅𝒊 𝒕𝒖𝒊𝒓 𝒕𝒓𝒆𝒊𝒏𝒂𝒎𝒆𝒏𝒕𝒖 𝒏𝒆’𝒆”dehan PAM Baucau.
PAM mos enkoraza nafatin ba joven hirak ne’ebé iha kapasidade no kreatividade tebes, husi nu’u-kulit diversifika sai produtu oin-oin hanesan Sinelus, Tapete, Tali, Xapeo, Pasta no seluk tan.
Inisiativa husi Organizasaun AEMTL sira iha hodi servisu hamutuk ho ILO ba programa ida ne’e durante tinan haat (4) nia laran, infelizmente iha tinan 1 ho balun tanba ne’e tenke fokus didi’ak atu nune’e to’o finalidade iha ona Brand ida Baucau nian.
Exelénsia Prezidente Autoridade Munisipál Baucau, husu AEMTL servisu hamutuk nafatin ho entidade sira atu lori produtu hirak ne’e bele hahú asesu ba merkadu rejionál parte leste nian, nune’e bele diversífika liután produtu hirak ne’e hodi bele dudu kresimentu ekonómiku iha rai laran.
𝐁𝐚𝐮𝐜𝐚𝐮:𝐊𝐮𝐚𝐫𝐭𝐚 15 𝐀𝐛𝐫𝐢𝐥 2026
Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hala’o enkontru ho Organizasaun Banco Mundial Iha Timor-Leste, Sr. Karen Navarro, ho nia ekipa hamutuk Ministeriu Finansas, Diretór Geral- Sr. Francisco da Silva, iha salaun WEWE-AMB.
Prezensa husi Organizasaun Banco Mundial no Ministeriu Finansas, iha resintu Autoridade Munisipál hodi informa ba Exelénsia Prezidente Autoridade Munisipál Baucau, hodi hametin liña koordenasaun ho di’ak, tanba tuir planu iha tempu besik sei implementa projeitu 𝐁𝐞’𝐞-𝐦𝐨𝐬 Iha munisípiu Baucau hodi fó asesu ba komunidade sira.
Iha biban ne’e Exelénsia Prezidente Autoridade Munisipál Baucau, informa hanesan governu lokál aliña programa ne’ebé husi nasionál mai implementa iha Munisipiu, tanba faz parte mos hala’o preparasaun ba priense kondisaun mínima hodi hakat ba dezentralizasaun Administrativa no Podér Lokál.
𝐁𝐚𝐮𝐜𝐚𝐮: 𝐒𝐞𝐬𝐭𝐚, 10 𝐀𝐛𝐫𝐢𝐥 2026-
Programa Meet The Press ho oradór prinsipál Ministru Administrasaun Estatál (MAE), Tomas Cabral, ne’ebé sei hato’o ninia perspetiva kona-ba “Polítika Desentralizasaun Administrativa no Poder Lokál.”
Programa ne’e modera husi Sekretáriu Estadu Komunikasaun Sosiál, Expedito Dias Ximenes, hala’o iha Rezidensia Prezidente Autoridade Munisípiu Baucau.
Iha programa meet the press, akompaña mos husi Exelénsia Prezidente Autoridade Munisipal Baucau no Lautem, Sekretariu Munisipál na’in tolu, Diretores Gerais, Diretóres Munisipal Balun, APA, Xefe Departamentu sira no Xefe Suku balun.
𝐁𝐚𝐮𝐜𝐚𝐮: 𝐊𝐢𝐧𝐭𝐚, 09 𝐀𝐛𝐫𝐢𝐥 2026-
Ministeriu Administrasaun Estatál (𝐌𝐀𝐄) liuhusi Diretór Geral Desentralizasaun no Governu Lokál, 𝐒𝐫. 𝐀𝐧𝐭ó𝐧𝐢𝐨 𝐀𝐮𝐠𝐨𝐬𝐭𝐨 𝐆𝐮𝐭𝐞𝐫𝐫𝐞𝐬, hala’o enkontru ho Sekretáriu Munisipál PIDI, 𝐒𝐫. 𝐄𝐝𝐮𝐚𝐫𝐝𝐨 𝐅. 𝐗𝐢𝐦𝐞𝐧𝐞𝐬 no Sekretária, Munisipál ASeo, 𝐒𝐫𝐚. 𝐌𝐚𝐫𝐢𝐚 𝐂. 𝐕𝐢𝐞𝐠𝐚𝐬, hamutuk Diretóres Nasionais no kargu Xefia sira, Assessor Prinsipál no Assessor Júridiku, hodi atualiza kona-ba preokupasaun Suku Uaitame no Abafala kona-ba resenseamentu eleitoral ba komunidade sira. Enkontru ne’e hala’o iha Salaun WEWE, AM-Baucau.
Objetivu husi enkontru atu koordena no fasilita Autoridade Munisipál Baucau, ko’alia kona-ba suku Uaitame no Abafala ne’ebé durante ne’e seidauk hetan resenseamentu eleitoral husi STAE.
Liuhusi enkontru ne’e atu konfirma ho Autoridade Munisipál Baucau no Autoridade lokais sira nune’e iha futuru komunidade sira bele hetan resenseamentu Eleitoral, antes hakat ba elisaun prezidensial, Parlamentar no elisaun kamára munisipál daudaun ne’e iha faze preparativu nia laran atravez husi Ministeriu Administrasaun Estatál (MAE).
iha enkontru ne’e mos hetan rekomendasaun no preokupasaun balun husi Autoridade lokais kona-ba Suku Uaitme liu-liu aldeia Sialimu, Caranú no Gamana mantein nafatin iha Postu-Administrativu Quelicai, maibé iha Aldeia Gugulai kompromete hakarak bá hamutuk ho Postu-Administrativu Quelicai-Antigu. Tanba ne’e, husi preokupasaun ne’ebé hato’o husi Autoridade lokais, Governu Sentral liuhusi MAE sei toma nota atu haree ba kestaun ne’ebé Suku Uaitame infrenta nune’e labele prejúdika prosesu Administrasaun ba komunidade sira iha futuru.
Baucau, 09 Abril 2026
Servisu Munisipál Apoiu Organizasaun Naun-Governamental no Organizasaun Komunitaria (Sigla Portugués, SM-AONGeOC) mak servisu Autoridade Munisipál ne’ebé ninia misaun atu asegura apoiu tékniku no administrativu ba Prezidente Autoridade Munisipál ba órgaun no servisu sira seluk Autoridade Munisipál nian iha estudu, dezenvolvimentu no ezekusaun estratejia sira hodi apoia no hametin organizasaun naun-governamental no organizasaun operasionál komunitária sira iha Munisípiu no atu fó apoiu ba atividade interese públiku ne’ebé sira hala’o.
Diresaun Servisu Munisipál Apoiu Organizasaun Naun-Governamental no Organizasaun Komunitaria hametin ona amizade ho sosiedade sivíl liu-husi enkontru koordenasaun hodi atualiza servisu públiku no fornesimentu dadus inserta ona iha dokumentu ofisiál hanesan Planu Dezenvolvimentu Munisipál 2025 – 2030.
Obejtivu prinsipál husi Sesaun Traballu ida-ne’e mak:
Molok tama ba faze aprezentasaun no diskusaun, iha intervensaun no loke abertura husi Sekretária Munisipál ASeO, 𝐒𝐫𝐚. 𝐌𝐚𝐫𝐢𝐚 𝐂. 𝐕𝐢𝐞𝐠𝐚𝐬.
Iha sesaun aprezentasaun hahú husi Servisu Saúde inkluziva hodi aprezenta kona-ba difikuldade barreira fizika no komunikasaun atendimentu saúde espesifiku, mediku espesialista tuir tipu difisiénsia hanesan: mentál, matan no tilun hodi fasilita atestadu médiku ba Ema ho Defisiénsia.
Aprezentasaun husi Diretór Servisu Munisipál Edukasaun kona-ba asistensia ba estudante sira liu-liu asesu ba nivel ensinu iha barreira fizika no aprendizajen ba materia eskolár inkluzivu.
Aprezentasaun husi Koordenadór INSS Baucau, kona-ba sensibilizasaun ba seguransa sosiál ba grupu Vulnerável
Aprezentasaun husi Diretór Servisu Munisipál PNDS, kona- ba lista prioridades komunidade husi tinan 2025-2026.
Sesaun traballu ne’e nu’udar meiu aprendizajen hodi halo diagnóstiku ka análiza kona-ba problema komunidade liu-liu iha infreastrutura públiku no inkluzividade iha área 𝐒𝐚𝐮́𝐝𝐞 𝐧𝐨 𝐄𝐝𝐮𝐤𝐚𝐬𝐚𝐮𝐧. Nune’e mos sei haforsa armonizasaun entre Autoridade Munisipál Baucau no Sosiedade Sivíl hodi haree atividade konkretu ba planu Asaun Anúal.
Tanba ne’e sesaun traballu Autoridade Munisipál Baucau sei simu rekomendasaun husi Sosiedade Sivil kona-ba servisu Públiku Inkluzivu nian.
Fasilitadór sira ba Sesaun ne’e mak Diresaun Servisu Munisipál Apoiu Organizasaun Naun-Governamental no Organizasaun Komunitaria no hetan Apoiu husi Asesór Dezenvolvimentu Munisipál – PARTISIPA koordena ho pesoál xave ba sesaun traballu ne’e rasik. Sesaun ne’e mos fasilita husi: Sekretária Munisipál Asuntu Sosiál no Organizasaun; Ekipa Gabinete Apoiu Téknika PAM Baucau; Ekipa Diresaun SM-AONGeOC.
Remata.
Portal Munisipál Baucau
Baucau: Sabadu, 16 Agostu 2025-
Serimonia Lansamentu Primeira Pedra ba Irigasaun Modobuti, Samalari, Postu-Administrativu Baucau-vila. marka prezensa hosi atividade ne’e mak, Sua Exelensia Primeiro-Ministro RDTL: Kay Rala Xanana Gusmão, akompana hosi Sua Exelensia Prezidente Autoridade Munisipal Baucau, Dra. Veneranda E. M. Lemos Martins, hamutuk Sua Exelensia MAPPF, Eng. Marcos M. da Cruz, membru governu sira, membru Parlamentu Nasional, Veteranu, Lider Komunitaria, lia-na’in no komunidade sira.
𝐁𝐚𝐮𝐜𝐚𝐮: 𝐒𝐞𝐬𝐭𝐚, 27 𝐅𝐞𝐯𝐞𝐫𝐞𝐢𝐫𝐮 2026-
Sua Exelénsia Ministru Planeamentu Investimentu no Estratégiku (MPIE) Eng. Gastão Francisco de Sousa, akompaña husi Sekretariu Estadu Dezenvolvimentu lokál (SEDL) Sr. Mateus W. Santos Tallo ho Exelénsia Prezidente Autoridade Munisipál Baucau Dra. Veneranda E. M. Lemos Martins, lansa Projetu Planu Usu do solo Urbana iha Munisípiu Baucau.
Diskursu Exelénsia Prezidente Autoridade Munsipál Baucau, Dra. Veneranda E. M. Lemos Martins, hateten ohin loron, ita hotu mai hamutuk iha fatin Ida ne’e atu marka momentu importante ida ba ita nia Munisipiu Baucau. Ita sei hasasin estabelesementu grupu traballu lokál ne’ebe sei sai hanesan motor Prinsipál ba implementasaun Planu Usu Solu Urbanu, Munisípiu Baucau.
Projetu PLANU USU SOLU URBANU ne’e la’ós deit hanesan planu dezenvolvimentu urbanu ida deit, maibé nia hanesan dalan ida atu ita hotu bele dezenvolve sidade Baucau ho di’ak liutan. Nia objetivu prinsipál mak atu garante katak Sidade Baucau bele sai hanesan fatin ne’ebé di’ak tebes atu hela, atu servisu, no mós atu dezenvolve ekonomia ho sustentável. Ita hotu hatene katak Baucau nia dezenvolvimentu presiza tebes planu ne’ebé klaru no estratéjia ne’ebé forte atu bele alkansa rezultadu ne’ebé di’ak ba futuru
Iha planu ne’e, ita sei haree ba aspetu barak hanesan:
IX Governu Konstituisionál liuhusi Ministeriu Komersiu no Industria (𝐌𝐂𝐈, 𝐒𝐢𝐠𝐥𝐚 𝐏𝐨𝐫𝐭𝐮𝐠é𝐬) ofisialmente lansa ona fatuk dahuluk Konstrusaun foun merkadu Munisipal Baucau, Serimonia hatur fatuk dahuluk husi Sua Exelénsia Vise-Primeiru Ministru, Ministru Koordenador ba Asuntus Sosiais, Ministru Dezenvolvimentu Rural no Abitasaun Komunitária, 𝐄𝐧𝐠. 𝐌𝐚𝐫𝐢𝐚𝐧𝐨 𝐀𝐬𝐬𝐚𝐧𝐚𝐦𝐢 𝐒𝐚𝐛𝐢𝐧𝐨 ho Sua Exelénsia Ministru Komersiu no Industria (𝐌𝐂𝐈) 𝐒𝐫. 𝐍𝐢𝐧𝐨 𝐏𝐞𝐫𝐞𝐢𝐫𝐚, akompaña husi Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬.
Diskursu husi Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hateten, munisípiu Baucau hein tempu naruk ba merkadu Munisipál no ohin loron marka tan istoria ida ba Baucau, tanba IX Governu kumpri ninia desizaun konsege realiza lansamentu fatuk dahuluk ba merkadu munisípal Baucau nian ho modernizasaun.
“IX Governu Konstituisionál realiza fila fali merkadu Munisipál, merkadu ba negosiante sira atu hala’o sira nia negosiu no atu bele fó sustentabilidade ekonomika ba ita nia munisípiu,” dehan PAM BAUCAU.
Exelénsia PAM Baucau reafirma, dezenvolvimentu ida ne’e hanesan infraestrutura ida la’os de’it infraestrutura fiziku maibé hanesan pilár fundamentál ba kresementu ekonomiku nasionál. Tanba ne’e, lori komunidade Baucau tomak nia naran agradese ba IX Governu Konstituisionál ne’ebe lidera husi Primeiru Ministru, Kay Rala Xanana Gusmão ho membru governu tomak no ministeriu Ida-idak hahú leno sira nia matan mai ona munisípiu atu haburas no halo nabilan munispiu Baucau. Liuhusi Dezenvolvimentu ida ne’e ami bele prepara-an di’ak liután bainhira hakat ba Dezentralizasaun Administrativa no poder Lokál.
Iha fatin hanesan Sua Exelénsia Vise-Primeiru Ministru, Ministru Koordenador ba Asuntus Sosiais no Ministru Dezenvolvimentu Rural Abitasaun Komunitária, 𝐄𝐧𝐠. 𝐌𝐚𝐫𝐢𝐚𝐧𝐨 𝐀𝐬𝐬𝐚𝐧𝐚𝐦𝐢 𝐒𝐚𝐛𝐢𝐧𝐨, iha diskursu hateten, merkadu ida ne’e foin ita haree kapas ne’e atu ordena hodi sai fatin ida asegura komersiante sira.
“Ita fó fatin Ida nee ba inan-aman sira ho dignu no Tur fatin Ida ne’ebe di’ak no seguru hodi sira bele hala’o sira nia negosiu” hateten Vise-PM.
Vise-PM ne’e apela ba Autoridade Munisipál, Autoridade Komunitária sira no Inán-aman atu servisu hamutuk apoiu malu ativu, tanba istoria refelte luta naruk sakrifika-an ba ita nian rai hodi kontinúa dezenvolve rain ida ne’e hodi la’o ba oin.
Enkuantu projetu kontrusaun merkadu Munisipál Baucau, governu selebra kontratu ho kompañia Fujian Yougtai Construction Group.CO LTD in Joint Venture Suhurama Developer Unipessoal LDA. total orsamentu ba projetu refere $ 7,139,218.43 ho durasaun tinan rua.
𝐁𝐚𝐮𝐜𝐚𝐮: 𝐒𝐚𝐛𝐚𝐝𝐮, 10 𝐉𝐚𝐧𝐞𝐢𝐫𝐮 2026-
Sua Exelénsia Primeiro-Ministro RDTL: Kay Rala Xanana Gusmão, akompaña ho Ministru Planeamentu Investimentu no Estratejiku, Eng. Gastão Francisco de Sousa ho Exelénsia Prezidente Autoridade Munisipál Baucau Dra. Veneranda E. M. Lemos Martins, inagura projetu rehabilitasaun estrada Caravela- Caisido- Aeroportu Baucau, projetu rehabilitasaun estrada hahú iha tinan 2025 durasaun fulan 9 ho orsamentu Milliaun $ 6 ho 8 KM ne’ebé responsavel husi kompañia JOVA Construction.
Exelénsia Prezidente Autoridade Munisipal Baucau Dra. Veneranda E. M. Lemos Martins hateten lori komunidade tomak hatoo agradese ba IX Governu Konstituisionál liuhusi MPIE ne’ebe kontinúa obra ida ne’e, ohin loron bele inagura rehabilitasaun estrada hodi fó asesu ba komunidade sira.
“ami fo nafatin ami nia boasvinda ba governu sentral Ami husu nafatin ba governu sentral tau matan nafatin mai ami liu-liu ba estrada urbana ninian ne’ebe durante ne’e ami hotu hein”
Sua Exelénsia Ministru Planeamentu no Investimentu no Estratejiku Eng. Gastão Francisco de Sousa hateten Governu enveste trosu ida ne’e total orsamentu 6 milhoes ital, ohin loron ita bele inagura projetu ida nee.
Tamba ne’e husu ba Autoridade husi Munisipiu Ida ne’e tau matan ba investimentu boot ne’ebe ita nia Governu halo ba iha munisipiu Ida nee labele hein deit buat hotu mai husi Governu maibe husu tau matan ba infraestrutura sira ne’ebe iha.
Sua Exelénsia Primeiro-Ministro RDTL: Kayrala Xanana Gusmão husu Autoridade lokal sira atu servisu hamutuk ho joven sira hodi tau matan ba estrada infrastrutura sira ne’ebe mak iha hodi hadia nune’e sasan hirak ne’e labele estragus.
𝐕𝐞𝐧𝐢𝐥𝐚𝐥𝐞: 𝐒𝐚𝐛𝐚𝐝𝐮, 10 𝐉𝐚𝐧𝐞𝐢𝐫𝐮 2026-
Sua Exelénsia Primeiro-Ministro RDTL: Kay Rala Xanana Gusmão, akompaña husi Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬 no membru governu sira, Ofisializa Eskema Irigasaun Galata, Suku Uatu-Haco Postu Administrativu Venilale, Munisípiu Baucau.
Polítika IX Governu Konstituisionál liuhusi Ministeriu Agrikultura Pekuaria Peska no Floresta (MAPPF) hahú dezenvolve setór agrikultura modernizasaun liuhusi implementasaun eskema irigasaun Galata hodi fornese be’e ba natar atu fasilita agrikultor hasa’e produsaun agríkola liu-liu iha Postu-Administrativu Venilale, Munisípiu Baucau. Liuhusi eskema irigasaun Galata sei kobre natar 720 hektares inkluindu área Waibobo, Postu-Administrativu Ossú Munisípiu Viqueque.
Exelénsia Prezidente Autoridade Munisipál BAucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, agradese ba IX Governu Konstituisionál liuhusi Ministeriu Agrikultura Pekuaria Peska no Floresta (MAPPF), bele fornese ona be’e ba natar hodi tulun komunidade agrikultór sira hodi bele halai natar atu hasa’e produsaun ai-han iha munisípiu Baucau.
“𝑂𝑖𝑛𝑠𝑎́ 𝑚𝑎𝑘𝑎 𝑎𝑚𝑖 𝑏𝑒𝑙𝑒 ℎ𝑎𝑡𝑒𝑡𝑒 𝑘𝑎𝑡𝑎𝑘 𝑎𝑡𝑢 ℎ𝑎𝑝𝑎𝑟𝑎 𝑘𝑎 ℎ𝑎𝑚𝑒𝑛𝑢𝑠 𝑖𝑚𝑝𝑜𝑟𝑡𝑎𝑠𝑎𝑢𝑛 𝑓𝑜𝑜𝑠, 𝑠𝑒́ 𝑎𝑚𝑖 𝑙𝑎𝑖ℎ𝑎 𝑏𝑒’𝑒 𝑙𝑎𝑖ℎ𝑎 𝑒𝑠𝑡𝑟𝑎𝑑𝑎 𝑛𝑒’𝑒𝑏𝑒́ 𝑑𝑖’𝑎𝑘, PAM Baucau apela.
Exelénsia aprufunda hanesan PAM Baucau, husu nafatin ba governu sentral atu hare’e mos kestaun bá infreastrutura bázika liu-liu estrada atu nune’e tulun komunidade sira atu lori produtu lokál asesu ba merkadu.
“𝐴𝑚𝑖 𝑝𝑟𝑒𝑠𝑖𝑧𝑎 𝑓𝑜́ ℎ𝑎𝑛𝑜𝑖𝑛 𝑓𝑖𝑙𝑎-𝑓𝑎𝑙𝑖 𝑘𝑎𝑡𝑎𝑘 𝐵𝑎𝑢𝑐𝑎𝑢 𝑒𝑚𝑎 𝑏𝑎𝑑𝑖𝑛𝑎𝑠 𝑚𝑎𝑖𝑏𝑒́ 𝑛𝑎𝑓𝑎𝑡𝑖𝑛 𝑎𝑚𝑖 𝑑𝑒ℎ𝑎𝑛 𝑘𝑎𝑡𝑎𝑘 𝑎𝑚𝑖 𝑡𝑒𝑛𝑘𝑖 𝑘𝑜𝑛𝑡𝑖𝑛𝑢́𝑎 𝑛𝑎𝑓𝑎𝑡𝑖𝑛 𝑟𝑒𝑝𝑟𝑒𝑧𝑒𝑛𝑡𝑎 𝑔𝑜𝑣𝑒𝑟𝑛𝑢 𝑠𝑒𝑛𝑡𝑟𝑎𝑙 ℎ𝑜𝑑𝑖 ℎ𝑎𝑘𝑏𝑖’𝑖𝑡 𝑛𝑎𝑓𝑎𝑡𝑖𝑛 𝑠𝑒𝑟𝑣𝑖𝑠𝑢 𝑔𝑜𝑣𝑒𝑟𝑛𝑢 𝑠𝑒𝑛𝑡𝑟𝑎𝑙 𝑛𝑖𝑛𝑖𝑎𝑛 𝑚𝑎𝑖 𝑚𝑢𝑛𝑖𝑠𝑖́𝑝𝑖𝑢, 𝑡𝑜’𝑜 𝑝𝑜𝑠𝑡𝑢 𝑆𝑢𝑘𝑢 𝑛𝑜 𝐴𝑙𝑑𝑒𝑖𝑎 𝑠𝑖𝑟𝑎. 𝑀𝑎𝑖𝑏𝑒́ 𝑚𝑎𝑘𝑎 𝑛𝑒’𝑒 𝑎𝑚𝑖 𝑓𝑎𝑙𝑡𝑎 𝑚𝑎𝑘 𝑒𝑠𝑡𝑟𝑎𝑑𝑎” intervensaun husi Exelénsia PAM Baucau.
© 2026 Autoridade Munisípiu Baucau
