𝐕𝐞𝐧𝐢𝐥𝐚𝐥𝐞: 𝐒𝐚𝐛𝐚𝐝𝐮, 25 𝐉𝐮𝐥𝐥𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, akompaña husi direjente ho entidade sira no Komunidade tomak iha Venilale simu, Sua Exelénsia Primeiru Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 no Sua Exelénsia Ministru Obras Públikas,𝐒𝐚𝐦𝐮𝐞𝐥 𝐌𝐚𝐫ç𝐚𝐥, iha serimónia lansamentu hatur Fatuk dahuluk ba Estrada Urbana no Fornesimentu Be’e-mos Iha Postu-Administrativu Venilale, Munisípiu Baucau.
Lansamentu fatuk dahuluk ne’e marka hahú ofisiál implementasaun projetu estrada urbana ida ne’ebé Governu Timor-Leste investe atu hadi’a infraestrutura baziku iha Timro Leste iha Nivél Postu Administrativu, no ohin halo iha Posto Administrativo Venilale. Projetu ne’e hakarak hasa’e asesibilidade, hamenus difikuldade movimentasaun transporte, no fó apoiu ba movimentu ema no sasán, nune’e mós promove kresimentu ekonómia lokál no bem-estar komunidade.
Iha nia intervensaun, Sua Exelénsia Primeiru Ministru Kay Rala Xanana Gusmão reafirma katak dezenvolvimentu infraestrutura kontinua sai prioridade Governu nian tanba estrada ne’ebé di’ak sei fasilita asesu ba edukasaun, saúde, merkadu no servisu públiku seluk, alende haforsa ligasaun entre komunidade sira.
𝐕𝐞𝐦𝐚𝐬𝐬𝐞: 𝐒𝐞𝐬𝐭𝐚, 24 𝐉𝐮𝐥𝐥𝐮 2026-
Sua Exelénsia Ministru Obras Publika (MOP) 𝐒𝐚𝐦𝐮𝐞𝐥 𝐌𝐚𝐫ç𝐚𝐥 akompaña husi Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, Inagura projetu eletrifikasaun ba komunidade sira hodi asesu ba enerjia elektrika iha Uai-harebo’o Suku Watulari no Caidenulale Suku Ossoala, Postu-Administrativu Vemasse, Munisípiu Baucau.
Intervensaun husi Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hateten lori komunidade nia naran agradese ba IX Governu konstituisionál liuhusi Ministeriu Obras Públika ne’ebé dedika an servisu lakolen hodi tun to’o aldeia sira haree ejizensia husi komunidade sira nian.
“𝑨𝒎𝒊 𝒎𝒐𝒓𝒊𝒔 𝒊𝒉𝒂 𝒌𝒓𝒂𝒊𝒌 𝒏𝒆’𝒆 𝒍𝒂 𝒑𝒓𝒆𝒔𝒊𝒛𝒂 𝒃𝒖𝒂𝒕 𝒃𝒂𝒓𝒂𝒌, 𝒂𝒎𝒊 𝒑𝒓𝒆𝒔𝒊𝒛𝒂 𝒅𝒆’𝒊𝒕 𝒎𝒂𝒌 𝒆𝒔𝒕𝒓𝒂𝒅𝒂, 𝒆𝒍𝒆𝒕𝒓𝒊𝒔𝒊𝒅𝒂𝒅𝒆, 𝒃𝒆’𝒆 𝒏𝒐𝒎𝒐𝒔 𝒔𝒂𝒖́𝒅𝒆, 𝒃𝒂𝒊𝒏𝒉𝒊𝒓𝒂 𝒆𝒔𝒕𝒓𝒂𝒅𝒂 𝒅𝒊’𝒂𝒌 𝒂𝒉𝒊 𝒅𝒊’𝒂𝒌 𝒌𝒍𝒂𝒓𝒖 𝒌𝒆 𝒆𝒅𝒖𝒌𝒂𝒔𝒂𝒖𝒏 𝒃𝒆𝒍𝒆 𝒍𝒂’𝒐, 𝒔𝒂𝒖́𝒅𝒆 𝒃𝒆𝒍𝒆 𝒍𝒂’𝒐. 𝑴𝒂𝒊𝒃é 𝒊𝒅𝒂 𝒏𝒆’𝒆 𝒍𝒂 𝒅𝒊’𝒂𝒌 𝒂𝒎𝒊 𝒎𝒐𝒔 𝒔𝒆𝒊 𝒉𝒂𝒌𝒅𝒂𝒔𝒂𝒌 𝒉𝒆𝒍𝒂,” hateten PAM Baucau.
Tanba ne’e IX Governu Konstitusionál, liuhusi Ministériu Obras Públikas (MOP) iha polítika ida ne’ebé prioridade mak kontinua dezenvolve elektrifikasaun hodi fó asesu enerjia elektrika ba komunidade sira iha teritoriu Timor laran tomak ,objetivu prinsipal mak atu garante katak komunidade hotu-hotu bele hetan eletrisidade ne’ebé estável, seguru no sustenta, hodi apoiu ba dezenvolvimentu sosial no ekonomia iha rai laran liu-liu iha jona Watulari no Ossoala.
Entretantu serimónia inagurasaun projetu eletrifikasaun la’ós de’it eventu ida atu loke infraestrutura foun, maibé sai mos simbolu ida husi kompromisu IX Governu atu hametin servisu públiku no hatudu katak dezenvolvimentu tenke to’o ba komunidade sira to’o iha fatin remota fo asesu eletrisidade ba komunidade bele aumenta oportunidade ba edukasaun, negósiu ki’ik, servisu saúde, no hasa’e moris di’ak ba povu.
Governu konsidera eletrisidade hanesan infraestrutura bázika ne’ebé importante atu promove kresimentu ekonomia no hadi’a qualidade moris komunidade nian iha área rurál. Obra ne’e implementa husi kompañia Remares Baovid Unip.Lda ho orsamentu $. 333.576. 71 mil, konsege fó asesu enerjia elektrika ba komuniddade sira iha uma kain hamutuk 120 iha Suku Watulari no Ossoala.
Serimonia inagurasaun ne’e marka mos prezensa husi Prezidente Komisaun Ezekutivu EDTL,E.p, Sr. 𝐏𝐚𝐮𝐥𝐨 𝐝𝐚 𝐒𝐢𝐥𝐯𝐚 ho nia estrutura husi nasionál no munisipál, Administradóra Postu-Administrátivu Vemasse, Diretór Delegasaun Territoriál, Autoridade Seguransa PNTL no F-FDTL, Veteranu, Diretór kompañia, kargu xefia, Autoridade Lokál sira, parde no madre, funsionáiru sira no komunidade sira.
𝐋𝐚𝐠𝐚: 𝐓𝐞𝐫𝐬𝐚, 21 𝐉𝐮𝐥𝐥𝐮 2026-
Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, akompana husi Diretores Servisu Munisipais, Komandante PNTL, Administrador Postu Administrativu Laga, Xefe Suku partisipa seremonia Inagurasaun Be’e-Mos Lekinamu, Aldeia Larifanu Suku Libagua Postu-Administrativu Laga, Munisípiu Baucau.
Intervensaun Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hateten liuhusi inagurasaun be’e-mos ne’e husu lideransa komuntiária no komunidade iha libagua atu kontrolu fasilidade ne’ebé governu fó tanba nesesidade komunidade nian nune’e bele fó benefisiu.
“Tanba ne’e, ha’u husu nafatin ba komunidade sira iha libagua-larifanu atu be’e ne’ebé ohin ita mai fila fali atu kumpri ita nia promesa haree didi’ak ba, uza ho didi’ak ba, liu-liu grupu sira ne’ebé tau matan atu fasilita be’e ne’e bele to’o ba komunidade sira hotu” dehan PAM Baucau.
Maski nune’e komunidade uma kain 44 iha suku libagua seidauk asesu ba be’e-mos inklui estrada rural ne’ebe kondiasaun aat. tanba ne’e Exelénsia PAM Baucau husu Autoridade lokál ho konsellu suku sira atu deskute kle’an hodi haree mekanizmu prioritizasaun hanesan PNDS no PDIM hodi aprezenta ba ASPA atu tetu. Nune’e iha futuru komunidade hirak ne’e bele asesu ba infraestrutura sira iha baze ho di’ak.
Inagurasaun Be’e-mos ho Sistema Bom-ba ne’ebé implementa obra ne’e voluntáriamente servisu fiziku husi komunidade rasik liuhusi Programa Nasionál Dezenvolvimentu Suku (PNDS) Faze 1 siklu 4 tinan 2022 ho orsamentu $. 60.000, ne’ebé sei fó asesu ba komunidade sira iha uma kain 110.
𝐕𝐞𝐦𝐚𝐬𝐬𝐞: 𝐒𝐞𝐬𝐭𝐚, 17 𝐉𝐮𝐥𝐥𝐮 2026-
Exelénsia PAM Baucau 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hamutuk ho 𝐏𝐞. 𝐄𝐥í𝐠𝐢𝐨 𝐋𝐨𝐜𝐚𝐭𝐞𝐥𝐥𝐢 𝐒𝐃𝐁, hala’o vizita traballu iha área Uai-harebó suku Watulari hodi observa progressu servisu ba projetu dada be’e-mos ba komunidade sira ne’ebé atinje ona ba 55%.
Projetu dada be’e mos ne’e husi programa adisionál husi komunidade Salesiano nian ne’ebé hetan aseitasun husi Exelénsia PAM Baucau hodi implementa programa dada be’e-mos husi Programa Nasionál Dezenvolvimentu Suku (PNDS). Ne’ebé sei fó asesu ba komunidade sira iha suku Watulari, Ossoala no Vemasse-Tasi.
Durante observasaun iha terenu hahú kedas serimonia tuir fiar sarani nian liuhusi bensaun direita husi amu-lulik ba be’e-matan ho sentidu bele salva guarda kriasaun maromak nian bainhira utiliza be’e matan ne’e.
Projetu dade be’e-mos ne’e utiliza sistema gravitasaun ne’ebé hetan apoiu fundu husi Misionariu Salesianu-Italia no Autoridade Munisipál Baucau ho orsamentu $. 62.000 mil.
Iha vizita ne’e mos Exelénsia PAM Baucau observa estrada rural sira ne’ebé iha difikuldade fó asesu ba komunidade sira iha tempu udan atu lori produtu agrikola asesu ba merkadu.
𝐁𝐚𝐮𝐜𝐚𝐮: 𝐒𝐞𝐠𝐮𝐧𝐝𝐚, 20 𝐉𝐮𝐥𝐥𝐮 2026-
Objetivu husi monitorizasaun In-Loco maka akompaña direta iha terrenu funsionamentu estrutura munisipál, postu Administrativu, nomos oinsa suku selesionadu, tuir despaxu ministeriál no.89/M-MAE/II/2-26. Verifika Programa no dezafiu iha area 6 xave ba protidaun Munisipál; Identifika Pratika di’ak Konstrangimentu no nesesidade apoiu tékniku; Rekolla evidénsia kuantitativa no kualitativa atu apoiu planeamentu formasaun no intervensaun futuru nomos fó fundamentu ba relatóriu final no rekomendasaun estratéjiku ba transisaun Poder Lokál.
Monotorizasaun ne’e iha mós aprejentasaun husi Diresaun Aprovisionamentu, Finansas, Rekursu Umanu, Portál Munisipál nomos Ajensia Planeamentu kona-ba Lalaok servisu hotu iha munisipalál, ikus liu ekipa husi In-Loco observa direta servisu sira bazeia ba aprejentasaun.
Iha monotorizasaun ne’e partisipa husi Sekretario PIDI, Sekretaria ASEO, Administradores Postu, Asesor PARTISIPA, Asesor Administrasaun
Inklui Diretores Munisipais nomos ekipa téknika husi In-Loco.
𝗩𝗲𝗻𝗶𝗹𝗮𝗹𝗲: 𝗞𝗶𝗻𝘁𝗮, 16 𝗝𝘂𝗹𝗹𝘂 2026-
Sua Exelénsia Sekretáriu Estadu Asuntu Toponímia no Organizasaun Urbana (𝗦𝗘𝗔𝗧𝗢𝗨), 𝗚𝗲𝗿𝗺𝗮𝗻𝗼 𝗦𝗮𝗻𝘁𝗮 𝗕𝗿𝗶𝘁𝗲𝘀 𝗗𝗶𝗮𝘀, akompaña husi Exelénsia PAM Baucau, 𝗗𝗿𝗮. 𝗩𝗲𝗻𝗲𝗿𝗮𝗻𝗱𝗮 𝗘. 𝗠. 𝗟𝗲𝗺𝗼𝘀 𝗠𝗮𝗿𝘁𝗶𝗻𝘀, hamutuk ho Diretóres Nasionis no Diretór Munisipál hala’o sosializasaun Lei sira ne’ebé organiza husi SEATOU ba komunidade sira iha Postu-Administrativu Venilale Munisípiu Baucau.
Iha sosializasaun ne’e atu fó Hanoin ba komunidade sira atu intende regras hodi kumpri bainhira implementasaun lei sira iha terenu komunidade sira bele kopera liu-liu ba hijene no ordem Publika.
Sosializasaun ne’e liuhusi aprezentasaun ba Decreto-Lei N.º 3 /2024 de 17 de Janeiro Primeira alteração ao Decreto-Lei n.º 33/2008, de 27 de agosto, sobre Higiene e Ordem Pública, Decreto-Lei N.º 2/ 2017 de 22 de Março Aprova o Sistema de Gestão de Resíduos Sólidos Urbanos. aprezenta materia husi Diresaun Nasional Gestaun Higiene no Ordem Publika (DNGHOP), Diretor Nasional Sr. Egas José Caetano.
Aprezentasaun Decreto-Lei N.º 29/2016 de 13 de Julho Regime Jurídico da Toponímia e Numeração de Policía, husi Diresaun Nasional de Toponímia (DNT), Diretor Nasioal Sr. Herminio Moniz Ribeiro.
Aprezentasaun Decreto-Lei N.º 33/2025 de 15 de Outubro Primeira alteração ao Decreto-Lei n.º 3/2017, de 22 de março, que aprovou o Regime das Zonas de Estacionamento de Duração Limitada no Decreto-Lei N.º 51 /2016 de 28 de Dezembro Licenciamento de Mensagens Publicitárias, husi Diresaun Nasional ba Servisu Organizasaun Urbana (DNSOU), Diretor Nasional Sr. Antonio Bobo Sequeira da Costa.
Partisipa iha sosializasaun ne’e husi Diretór Servisu Munisipál, APA Venilale ho nia estrutura tomak, Autoridade lokál sira, Autoridade seguransa no komunidade sira.
𝐁𝐚𝐮𝐜𝐚𝐮: 𝐊𝐢𝐧𝐭𝐚, 16 𝐉𝐮𝐥𝐥𝐮 2026-
Sua Exelénsia Ministru Agrikultura Pekuaria Peska no Floresta, 𝐄𝐧𝐠. 𝐌𝐚𝐫𝐜𝐨𝐬 𝐌. 𝐝𝐚 𝐂𝐫𝐮𝐳, ho Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, akompaña husi Diretóres Jerais no Diretór Servisu Munisipál Autoridade Seguransa PNTL no F-FDTL, Autoridade lokais ho Grupu Agrikultór sira Koilleta hare variedade Nakroma iha suku Samalari Postu-Administrativu Baucau-Vila Munisípiu Baucau.
IX Governu Konstitusionál liuhusi Ministeriu Agrikultura Pekuaria Peska no Floresta konsidera setór agrikultura nu’udar baze importante ba dezenvolvimentu ekonomia no seguransa ai-han iha Timor-Leste. Liuhosi Ministériu Agrikultura, Pekuária, Peska no Floresta, hodi implementa polítika intensifikasaun agrikultura, liuliu iha kultivasaun hare, ho objetivu atu aumenta produtividade iha área ne’ebé iha ona, hodi reduz dependénsia ba importasaun ai-han no garante soberania alimentar.
Iha prátika MAPPF hamutuk ho Autoridade Munisipál Baucau, kontinúa moderniza kuda hare hodi entrega ekipamentu agríkola. Iha tinan ne’e governu konsege konstrui infraestrutura hanesan irrigasaun iha modobuti-Samalari ba futuru atu asegura katak produsaun ai-han iha rai laran bele responde ba nesesidade komunidade nian. hodi faz parte ba preparasaun desentralizasaun Administrativa no poder lokál.
Implementasaun polítika ida-ne’e hakarak atinje objetivu boot sira, atu hasa’e produsaun hare no ai-han lokal. Nune’e mos hametin seguransa ai-han ba família no nasaun. Aliende hasa’e rendimentu agrikultór sira, promove agrikultura moderna, efisiente no sustentável hodi kontribui ba kresimentu ekonomia rurál no reduz pobreza.
𝐁𝐚𝐮𝐜𝐚𝐮: 𝐊𝐮𝐚𝐫𝐭𝐚 15 𝐉𝐮𝐥𝐥𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬 enkontru ho FALINTIL-Forsa Defeza Timor-Leste F-FDTL liu husi Xefe Estadu Maior FALINTIL-FDTL, Brigadeiru Jenerál José da Costa Soares “TRIX”, akompaña ho nia delegasaun informa ba Autoridade Munisipál Baucau, hala’o koordenasaun preparasaun ba selebrasaun Loron Nasionál 20 Agostu ne’ebé sei realiza iha Foho Matebian, Postu Administrativu Matebian Munisípiu Baucau.
Importánsia husi enkontru ne’e hametin Koordenasaun hodi aborda aspetu seguransa, organizasaun serimónia, lojístika, no apoiu operasionál atu garante durante eventu nasionál ne’e lao ho di’ak, ordenadu no susesu.
Iha biban ne’e Exelénsia PAM Baucau hateten importansia husi loron nasionál ne’e mos fó espasu ba komunidade sira atu hola parte iha serimonia refere.
Xefe Estadu Maior enfatiza katak preparasaun di’ak no servisu hamutuk entre instituisaun sira mak xave ba realizasaun selebrasaun ne’ebé dignifika Loron Nasionál Timor-Leste.
Atu hatene detaillu ba Deskrisaun Servisu ba Pozisaun Vaga Hat (4) iha leten, bele haree iha link tuir mai ne’e: https://baucau.gov.tl/oportunidade-serbisu/#, Klik iha “KONKURSU PÚBLIKU – REKRUTAMENTU FUNSIONÁRIU KAZUAIS” mak Download iha ne’eba.
𝐁𝐚𝐮𝐜𝐚𝐮: Autoridade Munisipál Baucau, liuhosi Gabinete PAM hala’o Sensibilizasaun kona-ba Podér Lokál Desentralizasaun Administrativa iha Timor-Leste liu-liu Asediu Seksuál ba Partsipasaun feto hanesan lideransa no espiritu Nasionalismu no partisipasaun Juventude nian.
Sensibilizasaun ida ne’e hala’o durante loron rua 9 -10 𝐉𝐮𝐥𝐥𝐮 2026 iha Postu Administrativu Quelicai Antigo, Matebian no Postu Administrativu Quelicai. Oradór ba Sensibilizasaun Ida ne’e husi Asesor Juridiku PAM Sr. Angenilio Dos R. Jerónimo no Bernardino O. Guterres.
Objetivu husi Sensibilizasaun ida ne’e hanesan matadalan ida hodi hasa’e koñesimentu partisipante sira nian kona-ba desentralizasaun administrativa no podér lokál nomos atu aumenta koñesimentu juventude sira liu-liu feto atu oinsa prepara an atu sai hanesan lideransa feto iha futuru. Nune’e mos atu promove diskusaun no reflesaun kona-ba importansia atu kombate Asediu Seksuál iha instituisaun Publiku sira.
© 2026 Autoridade Municipal de Baucau
