𝐁𝐚𝐮𝐜𝐚𝐮:𝐊𝐢𝐧𝐭𝐚, 7 𝐌𝐚𝐢𝐮 2026-
Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, abertura sorumutu koordenasaun Konsulta Sidadania OJE 2027 hodi garante Planu Asaun Anuál 2027 husi Autoridade Munisipál Baucau ne’ebé Kualidade, Inkluzivu no Responsivu.
Kumpri ba Dekretu Lei nú. 42/2025, 15 Dezembru. Ne’ebé regula husi Lei nú. 3/2025, 23 Abríl. Kona-ba Enkuadramentu Orsamentu Jerál Estadu no Jestaun Finanseira Públika, partikulár iha artigu 12, númeru 1 katak “Konsulta ho sidadaun sira tenke hala’o iha nível lokál liu husi organizasaun sesaun konsulta iha munisípiu ida-idak, iha Rejiaun Administrativa Espesiál Oe-Cusse Ambeno no iha Ataúro.”
Nune’e, Autoridade Munisipál Baucau hamutuk ho liña ministeriál liu-liu Ministériu Finansas liu husi Diresaun Jerál Planeamentu no Orsamentu hodi koordena no konvoka sorumutu konsulta sidadaun, ho objetivu prinsipál maka enkoraja partisipasaun ajente sosiál no forsa ativa lokál hodi bele rona hanoin sira hodi kontribui ba prosesu pleaneamentu orsamentál ba tinan fiskál 2027.
Partisipantes sira mai husi Kompoziasaun membru Orgaun Konsellu Konsultivu Munisipál, Orgaun Konsellu Koordenasaun Munisipál, Organizasaun Feto no Organizasaun Ema ho Defisiénsia
Intervensaun Prezidente Autoridade Munisipál Baucau molok abertura sorumutu katak “konsultasaun sidadania la’ós obrigasaun legál maibe obriga ita nia partisipasaun hodi grante Planeamentu Orsamentu ne’ebé transparansia, inkluzivu no efisiénsia hodi evita gastu desnesesáriu.”
Reprezentasaun liñas Ministeriál sira ne’ebé ohin aprezenta iha Konsultasaun Sidadania mai husi: Minietériu Finansas, Ministériu Agrikultura, Pekuária, Peska no Florestál (MAPPF), Ministériu Obras Públika, Bee Timor-Leste, E.P (BTL), Eletrisidade Timor-Leste, E.P, Ministeriu Edukasaun no Ministéiu Turizmu no Ambiente.
Prosesu konsulta sidadaun utiliza metódu aprezenta dadus, peskiza kualitativu foku liu ba Pilar Haat: Pilar Dezenvolvimentu Kapitál Sosiál, Pilár Dezenvolvimentu Ekonomia, Pilár Dezenvolvimentu Infraestrutura no Pilár Dezenvolvimentu Instituisional. Nune’e mós diskusaun grupu hodi kaptura informasaun real husi ajente sosiál sira ne’ebé besik liu ho komunidade. Liuhusi konsulta sidadaun ida ne’e sei kontribui ba planu no prioridade envelope fiskál Autoridade Munisipál Baucau ba tinan 2027.
𝐁𝐚𝐮𝐜𝐚𝐮: 𝐓𝐞𝐫𝐬𝐚, 5 𝐌𝐚𝐢𝐮 2026-
Exelénsia Prezidente Autoridade Munisipal Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬 konvoka enkontru ordinária ho membru Konsellu Koordenasaun Munisipál hodi diskute asuntu importante sira kona-ba nesesidade komunidade.
Konovokatóriu ne’ebé fo sai husi Exelénsia Prezidente Autoridade Munisipál Baucau ho nia orden traballu maka hanesan:
* Sumariu ezekutivu Planu Dezenvolvimentu Komunitaria husi suku 13 iha Postu Administrativu Baucau ne’ebé aprezenta husi Administradór Postu Administrativu Baucau.
* Progressu atualizasaun dadus sistema SIGSA ne’ebé aperezenta husi Diretóra Servisu Munisipál Asuntu Organizasaun Naun-Govermentál no Organizasaun Komunitária.
* Progressu implemtasaun PNDS 2026 ne’ebé aprezenta husi Diretór Servisu Munisipál Apoiu Programa Nasionál Dezenvolvimentu Suku.
* Progresu implementasaun projetu PDIM 2026 no rekapitulasaun lista PIM 2027 aprovasaun ASPA ne’ebé aprezenta husi Diretór Servisu Munisipál Planu Integradu Dezenvolvimentu.
* Ezbosu Planu Asaun Anual 2027 ne’ebé aprezenta husi Diretór Ajensia Planeamentu Munisipál.
* Progresu atualizasaun dokumentu ofisiál no dezafiu atendementu komunidade iha Balkaun Uniku ne’ebé aprezenta husi Koordenadór Balkaun Úniku.
Molok abertura enkontru Orgaun Kolejiál ho membru sira, Exelénsia Prezidente Autoridade Munisipál Baucau iha nia intervensaun hatete katak “Uluk na-na’in hakarak hato’o ba ita boot sira katak, hanesan Baucau oan ita orgullu no louva ba ita nia oan estudantes husi ESSA Juniór ne’ebé hamorin ona Baucau iha mundu internasionál tanba foti premiu lima, iha kompetisaun Matemátika hanesan primeiru lugár ne’ebé kompetisaun ne’e rasik ho lian Ingléz iha nasaun Kamboja ne’ebé hola parte husi nasaun 26. Iha semana hirak ba kotuk ita mós hetan vizita husi feto Parlamentarian Austrália aleinde enkontru ho Autoridade Munisipál Baucau ho Rede Lider Feto, sira mós hala’o vizita ba suku Bahu hodi haree projetu Bee moos ne’ebé implementa husi PNDS, ne’e hatudu katak Baucau husi liur ema haree hetan ona ba rezultadu servisu ne’ebé ita prodúz. Tanba ne’e, dedika an ba ita nia servisu, kontinua haforsa koordenasaun no komunikasaun.”
Hafoin remata aprezentasaun iha sesaun diskusaun membru Orgaun Konsellu Koordenasaun Munisipál hato’o mós kestaun sira kona-ba Balkaun Úniku, kada loron atende de’it ema na’in 50 sujere atu aumenta númeru no fo mós prioridade ba populasaun ne’ebé hela iha área remotas.
Rekomendasaun pertinente mós husi membru sira kona-ba Planu Asaun Anuál 2027 haforsa iha indikadór liu-liu konsentra iha markadór jéneru tanba tinan kotuk ita hetan rekomendasaun husi membru KRO (Komisaun Revizaun Orsamentu) ne’ebé espesífiku no prinsipál oituan liu kompra ho Naun tarjetu maka barak.
Molok remata enkontru, Exelénsia Prezidente Konsellu Koordenasaun Munisipál lidera meza no husu ba membru sira atu halo votasaun ba aprezentasaun tantu mós pareser no rekomendasaun sira liu husi aprovasaun ho votasaun parsiál no globál ho rezultadu afavór 72, abstensaun zero no kontra zero.
𝐁𝐚𝐮𝐜𝐚𝐮 𝐒𝐚𝐛𝐚𝐝𝐮, 2 𝐌𝐚𝐢𝐮 2026-
Sua Exelénsia Ministra Edukasaun, Dra. Dulce de Jesus Soares, akompaña husi Exelénsia Prezidente Autoridade Munisipál Baucau Dra. Veneranda E.M. Lemos Martins, abertura Sesaun Apresentasaun rezultadu teste EGRA ( Early Grade Reading Assessment) no EGMA ( Early Grade Mathematics Assessment) ne’ebe hala’o husi ekipa Pedagójika husi Ministeriu Edukasaun ba estudante sira iha eskola iha munisipiu hotu.
Exelénsia Prezidente Autoridade Munisipál Baucau Dra. Veneranda E.M. Lemos Martins hato’o agradese ba Sua Exelenisa Ministra Edukasaun ho Nia ekipa tomak neebe fo nafatin tempu hodi halo Atividade ida nee iha Munisipiu Baucau. L husu atu manorin nain sira presiza atu partisipa ho diak no rona hodi halo tuir divulgasaun no informasaun sira Kona ba edukasaun nian tamba manorin nain sira mak resposabiliza ba estudante sira nia futuru.
Iha oportunidade ne’e mos Prezidente Autoridade Munisipál Baucau hakarak kongratula ba
Estudante sira husi EBC Santo Antonio Baucau ne’ebe lori Timor-Leste Nia naran hodi ba tuir kompetisaun iha Cmbodia hodi hetan primeiru lugar liuhosi abilidade estudante sira nian neebe mak hetan husi manorin nain sira.
Tamba ne manorin nain sira buka atu aprefesua idak-idak nia an ba atu ita hotu tau edukasaun ass liu Tamba ita mk prepara labarik oan sira husi karaik ba leten.
“Ha’u Husu ba dirijenti hotu-hotu iha edukasaun atu fó liman ba malu fó laran ba malu atu hametin Baucau ida deit, Edukasaun ita nian edukasaun laos grupu Ida nian ita hotu hamutuk tau neon hodi hodi hateten ba munsipiu sira seluk katak ami Baucau mós bele”
𝐁𝐚𝐮𝐜𝐚𝐮: 𝐒𝐞𝐠𝐮𝐧𝐝𝐚, 4 𝐌𝐚𝐢𝐮 2026-
Autoridade Munisipál Baucau, liuhusi Sekretariu Planeamentu Investimentu Dezenvolvimentu Integradu, Sr. Eduardo Filipe Ximenes, hamutuk ho Sekretária Asuntu Sosial Organizasaun no Komunitária, Sra. Maria C. Viegas, ne’ebé reprezenta Exelénsia Prezidente Autoridade Munisipál Baucau simu Estudante husi Universidade Da Paz (UNPAZ) ne’ebe sei hala’o Pratika Aprendizajen Kampu( PAK) iha Munisipiu Baucau.
Programa Pratika Aprendizajen kampu ne’e sei realiza minimu fulan 2, programa estájiu(PAK) ne’e implementa bazeia ba kurrikulu UNPAZ nian ho kréditu 6, ne’ebé realiza kada tinan nu’udar rekezitu ida ba estudante semestre lima (5) sira molok hakat ba semestre Ne’en(6).
Estudante sira ne’e presiza aprende envolve a’an liuhusi prátika iha sosiedade hodi aplika teoria ne’ebé aprende ona no tau ba prátika tuir moris reál ne’ebé akontese iha komunidade nia leet hodi nune’e estajiadu/a sira bele apár teoria ho prátika iha sosiedade.
Estudante sira ne’e sei hala’o sira Nia prátika aprendizajen kampu iha suku no aldeia tuir idak-idak nia fatin moris hodi tulun indentifika on inventariza dadus tuir disiplina siénsia ne’ebé sira aprende.
Iha oportunidade ida ne’e Sekretáriu Planeamentu Investimentu Dezenvolvimentu Integradu, Sr. Eduardo Filipe Ximenes hateten lori AMB nia naran hato’o bemvindu ba alin estudante sira hotu ne’ebé mak sei halo estajiu prátika iha nunisípiu Baucau.
“Tanba imi mai ne’e lori Universidade nia naran la’os individu tan ne’e husu atu tane-as almamater UNPAZ ninian ne’ebé ke ema barak sakrifisiu ba eskola ida nee” hateten Sekmu PIDI.
Aleinde ne’e Sekretária Munisipál mos hato’o hela mensagem ba estudante sira atu bele servisu hamutuk ho komunidade sira no labele halo problema iha fatin ne’ebé halo prátika ba .
𝐁𝐚𝐮𝐜𝐚𝐮:𝐒𝐞𝐠𝐮𝐧𝐝𝐚, 𝐌𝐚𝐢𝐮 2026-
Autoriadade Munisipál Baucau Simu Estudante nain neen kompostu husi feto lima no mane nain ida, hamutuk ho professora ne’ebé maka akonpaña sira hodi ba partisipa iha International Creativity and Innovation Award (ICIA) iha Cambodia.
Reprezentante Exelénsia Prezidente Autoridade III Sekretaria Munisipál dos asuntos Sociais e as Organização Comunitaria Sra. Maria Celestina Viegas hateten lori Prezidente Autoriadade no estrutura munisipál nia naran hatoo apresiasaun no parabéns ba estudante nain 6 ne’ebé maka manan iha kompetisaun ida ne’e, parabéns mós ba manorin nain sira hotu no agradese mós ba inan aman hotu nia suporta
“Ba oin hakas-an liutan hodi kontinua foku iha aprendizajen lor-loron nian iha eskola, tanba futuru Baucau nian iha imi-nia liman” hateten III Sekretaria
Tuir kompetisaun ICIA ne’e, Timor-Leste kompete hamutuk ho nasaun sira seluk liuhosi kompetisaun ne’e eskola lubuk mak partisipa inklui EB Catolica St. Antonio Teulale Baucau , ho projetu “Estatístika Husi Resiklajen Oinsá atu buka moda, Mediana No Média Husi Sasán Garaffa Matan, Paulitu Ai-Kesak No Gabus,” projetu ida ne’e hatudu oinsa bele integra materia resikladu ho objetu matematika hodi fó solusaun kretivu no sustentavél, orgullu boot manán medalla Bron, Specially Award, medalla Titanium no Grand Award
Reprezentante estudante mós hatoo sira-nia agradesimentu uain no liafuan murak ba partisipasaun hotu- ne’e maka fó apoiu maximu ba sira molok tuir kompetisaun iha Cambodia.
“Ohin loron ida ne’e laos de’it kona-ba manan, maibe kona-ba dalan naruk ne’ebé maka ami liu hamutuk, hamrik iha ne’e hanesan prova katak servisu maka’as, konfiansa ho espiritu la halo ita lakon, vitoria ida ne’e laos ami nian mesak, ida ne’e mak di’ak ba ema hotu ne’ebé sempre fo apoiu, halo orasaun no tau fiar ba ami” hateten estudante
Partisipa simu Estudante EBC St. António Teulale, Diretór Casa Comunidade SDB, Professores, II Komadante PNTL, Vice Presidente CCITL, Diretores Munisipais inklui inan aman husi Estudantes.
𝐐𝐮𝐞𝐥𝐢𝐜𝐚𝐢-𝐀𝐧𝐭𝐢𝐠𝐮: 𝐒𝐚𝐛𝐚𝐝𝐮, 25 𝐀𝐛𝐫𝐢𝐥 2026-
Exelénsia Prezidente Autoridade Munisipál Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, partisipa iha atividade kampaña Moris Saudavél ne’ebé inisia koopersaun servisu entre Gabinete Vise-Primeiru Ministru, Ministru Koordenador Asuntu Sosial, Ministru Dezenvolvimentu Rural Habitasaun Komunitária ho Asosiasaun Médiku Timor-Leste, ho objetivu prinsipal atu hakbesik liután saúde ba komunidade sira iha área rural.
Implementasaun Programa ne’e realiza ba faze dahruak nian iha Suku Guruça durante loron rua nia laran, hahú husi 24 to’o 25 Abril tinan ne’e iha Postu-Administrativu Quelicai-Antigu Munisípiu Baucau.
partisipasaun iha konsulta púbilku ne’e ho maximu abitante 500 resin mai husi komunidade sira hahú husi labarik kiik joven inan-aman no idozu sira.
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, agradese ba MCAS Servisu hamutuk ho Asosiasaun Médiku Timor-Leste ne’ebé lori Programa Kampaña Moris Saúdavel iha Munisípiu Baucau liu-liu iha Suku Guruça hodi fó konsulta ba labarik kiik sira, joven, inan-aman no ferik katuas sira.
Exelénsia PAM Baucau husu nafatin ba governu Sentral atu kontinúa nafatin servisu hamutuk ho parseiru sira atu apoiu programa ne’e ba Postu-Administrativu no suku sira seluk iha área rurál.
𝐁𝐚𝐮𝐜𝐚𝐮 : 𝐒𝐞𝐠𝐮𝐧𝐝𝐚, 27 𝐀𝐛𝐫𝐢𝐥 2026-
Autoridade Munisipál Baucau liuhusi Sekretariu Munisipál PIDI, Sr. Eduardo F. Ximenes, akompaña apresentasaun Relatóriu Inisial (Inception Report) Projetu Planu Uzu rai Sidade Baucau (plano Uso do Solo Urbano Baucau), husi Konsultór PT. Nusantara Urban Advisory Joint Venture Arplen Consultan Unipessoal, Lda, Iha Munisipiu Baucau.
Objetivu husi enkontru ida ne’e atu funsiona grupu traballu lokál liga ba iha nia dever nomos responsabilidade iha ambitu projetu elaborasaun planu uso do solo Baucau nian, sei fó akonpañamentu ba iha rezultadu servisu husi konsultan ninian, nomos sei halo akonpañamentu husi parte intidades publiku no privadus tuir lista, husi prosesu elaborasaun PUSO-Baucau too ona iha faze elaborasaun Inisial relatoriu ne’ebé maka remata ona, prosesu ba iha aprezentasaun husi ekipa monotorizasaun avaliasaun diresaun jerál ordenamentu teritoriu ne’ebé maka hetan ona apresiasaun no aseitasaun nune’e kontinúa aprezenta ba iha grupu tranallu lokál.
Sekretariu PIDI hateten inkontru ida ne’e kontinúa de’it husi fulan hirak liuba ne’ebé maka Exélensia Prezidente Autoriade rasik loke abertura hodi konsulta hira ne’e peskiza, hanesan autoridade enkoraza direjente sira no autoridade lokais atu foku iha inkontru ida ne’e, tanba Baucau ne’e ita-hotu nian ita-nia kontribuisaun maka rezulta dokumentu ida ne’ebé di’ak ba futuru munisipiu Baucau nian.
Enkontru ne’e marka prezensa husi Reprezentante Partidu Polítiku FRETILIN, Diretores munisipais, Chefe Departamentu Munisipais, Komadante Operasional Bombeirus, PNTL, Xefe Do Suco inklui ekipa tekniku husi PUSO Nasional.
𝐁𝐚𝐮𝐜𝐚𝐮: 𝐓𝐞𝐫𝐬𝐚, 28 𝐀𝐛𝐫𝐢𝐥 2026-
Autoridade Munisipál servisu hamutuk ho Gabinete Ministru Koordenador ba Asuntu Ekonomiku (G-MCAE) Liuhusi Asuntu Unidade Estratejika ba Asuntu Ekonomiku, ne’ebé hala’o programa divulgasaun informasaun nasionál kona-ba Timor-leste nia komitmentu nu’udar membru planu Organizasaun Mundial Komersiu (OMK) ba entidade hotu iha munisipiu Baucau hodi haburas komprensaun Publiku kona-ba Timor-leste nia esforsu hodi sai nu’udar membru Organizasaun Mundial Komersiu (OMK) ho tema “Ita Nia lian, Ita Nia futuru”.
Iha atividade né’e Sekretariu Planeamentu Investimentu Desenvolvimentu Integradu (PIDI) Sr. Eduardo Filipe Ximenes neebe Reprezenta Exelénsia Prezidente Autoridade Munisipál Baucau, Abertura ba programa Divulgasaun Nasionál hodi hato’o diskursu husi Exelénsia Prezidente Autoridade Munisipál Baucau.
Programa ida ne’e importante tebes ba munisípiu Baucau tanba sei fó oportunidade ba komunidade lokál sira atu komprende didi’ak oinsá Timor-Leste nia integrasaun iha ekonomia globál liuhusi OMK. Nu’udar membru OMK, Timor-Leste asume responsabilidade no benefísiu barak ne’ebé bele kontribui ba dezenvolvimentu ekonómiku nasionál no lokál. Divulgasaun ne’e sei esplika katak partisipasaun iha OMK la’ós de’it kona-ba komérsiu internasionál, maibé mos kona-ba setór sira seluk hanesan investimentu, propriedade intelektuál, no dezenvolvimentu sustentável.
© 2026 Autoridade Municipal de Baucau
