Baucau, 10 Agostu 2026.
Autoridade Munisipál Baucau Prepara ona Ekipamentu Pezadu Unidade Ida (1), Hodi Fó Atendimentu ba Situasaun Emerjensia Liga ba Infraestrutura Bázika ne’ebé Sai Preokupasaun Boot Komunidade nian. Disponibilizasaun Ekipamentu Pezadu AM Baucau nian ne’e bele Eleva ona Serbisu Sira liu-liu iha Setór Agrikultura nomos Halo Atendimentu Emerjensia ba Dezastre liu-liu halo no Normalizasaun Imediata.
𝐁𝐚𝐮𝐜𝐚𝐮: 𝐋𝐨𝐫𝐨𝐧 𝐒𝐞𝐠𝐮𝐧𝐝𝐚, 10 𝐀𝐠𝐨𝐬𝐭𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, abertura Soromutu Avalisaun Kondisaun Minima husi Ekipa Nasionál Ministeriu Administrasaun Estatál (MAE) durante loron 𝐫𝐮𝐚, Segunda avaliasaun ba dirijente sira iha Autoridade Munisipál Baucau.
Segundu Avaliasaun ne’e hahú ho verifikasaun ba servisu Munisipál ho servisu operasionais nomos konfirmasaun ba dokumentus ligadu sira, ba kompetensia servisu idaidak nian. aliende ne’e hala’o Asinatura nomos termu entrega dokumentu manual no dokumentu eletroniku ba Autoridade Munisipál Baucau.
Exelénnsia PAM Baucau Dra. Veneranda E. M. Lemos Martins, hateten ohin tama iha momentu ne’ebé importante momentu ne’ebé ita hotu sei hatudu ita-nia dedikasaun atu bele konkretiza mehi eroi no eroiña sira niann katak hahu husi PAM too estrutura hotu idaidak simu responsabilidade tanba ne’e hatudu katak ita hola parte iha makina estadu.
“Ha’u husu atu ita hotu-hotu hatudu responsabilidade, dedikasaunIta no disiplina iha servisu, espera katak ho segunda avaliasaun individual ne’e ita Munisipiu Baucau, bele mos hetan valór hanesan primeira avaliasaun, ne’ebé lori ita iha nivél valór ne’ebé aas liu hotu munisipiu seluk” dehan PAM Baucau
Iha fatin hanesan Diretór Jeral Dezenvolvimentu Lokál Sr.Virgilio da Costa nu’udar supervaisór ba Segunda Avaliasaun kondisaun minima ne’e husu ita hotu tau importante ba avaliasaun ida ne’e tanba destinu ba autoriadade munisipiu Baucau nian iha direjente sira nia liman.
“Ha’u husu ba autoriadades ho onestidade responde tuir servisu saida mak ita halo bazeia ba ita-nia TOR servisu nian” dehan DJDL Virgilio da Costa
Aliende ne’e Diretór Nasionál Apoiu Administrasaun Suku Sr.Celestino Marques hatoo mós esplikasaun téknika kona-ba lalaok Segunda Avaliasaun kondisaun minima katak metodologia ne’ebé utiliza ba iha segunda avaliasaun ne’e maka metodolojia kualitativu ho metodu halo rekollamentu dadus, quisioner ne’ebé priense ona sei rekolla fila fali nomos sei intrevista no sei halo verifikasaun direta ba iha dokumentu ne’ebé suporta ita boot sira-nia quisioner presiza justifika ikus liu maka sei halo observasaun direta ba fatin hodi nune’e kompleta ba iha rekollamentu dadus ba avaliasaun segundu.
“Ami sei lori ita boot sira-nia quisioner, rezultadu entrevista no observasaun direta ne’e ba iha nasionál, nune’e sai hanesan referensia ba ekipa avaliasaun hodi halo kontajen ba valór nune’e bele haree katak ita boot sira bele konklui iha klasifisaun ida ne’ebé, depois ikus liu sei halo analiza ba rezultadu ne’e ho kompleta telatóriu ikus liu submete ba iha Exêlensia Ministro Estatal” hatete DNAAS
Ekipa dahuluk ba avaliasaun individual dader ne’e maka Exêlensia PAM, SekMu na’in 3 nomos Administrador Postu Administrativu na’in 8 kontinua iha loraik ho Servisu Munisipais Instrumentais. Loron daruak mak Servisu Munisipais Operasionais. Depois de avaliasaun loron rua ne’e remata sei kontinua ho observasaun no verifikasaun direta iha terrenu.
Enkontru ne’e partisipa husi Sekretariu Munisipál Nain3, Chefe Gabinete PAM, Asesor Jurídiku, Kargu Xefia sira, Administrador Postu Administrativu sira ho Chefi servisu Lokal nain 4, Ekipa Avaliasaun nasionál.
Baucau: Sekretariu Estadu Formasaun Profisionál no Empregu (SEFOPE) servisu hamutuk ho Autoridade Munisipál Baucau hala’o Atividade Feira durante loron rua iha Sentru Konvensaun Baucau (CCB) Baucau iha Kinta, 06 Agostu 2026.
Sekretáriu Munisipál PIDI, Sr. Eduardo Filipe Ximenes Hamutuk ho Xefe Gabinete ne’ebe Reprezenta Prezidente Autoridade Munisipal Baucau, Reprezentate Sekretariu Estadu Formasaun Profisionál no Empregu no Komandate PNTL Munisipiu Baucau abertura feira karreira no Edukasaun ho nia tema: Atinje Futuru Brillante liu-husi Asesu ba informasaun Kareira, Rede Profisionál, Formasaun Vokasionál, Edukasaun no programa servisu iha rai laran no rai liur.
Objetivu husi feira ida ne’e atu divulga informasaun Kona-ba oportunidade empregu produtivu no dezenvolvimentu kareira ba joven sira.
Detaillhu ba Projeitu ne’e, bele haree iha link tuir mai ne’e. https://baucau.gov.tl/tenderizasaun/konvite-apresentasaun-proposta-ba-projeitu-husi-ministerio-saude-konvite-apresentasaun-proposta-ba-projeitu-husi-ministerio-saude/
Baucau: 5 Agostu 2026;
Autoridade Munisipál Baucau liuhosi Gabinete PAM hala’o Sensibilizasaun ba dahikus kona’ba Podér Lokál Desentralizasaun Administrativa iha Timor-Leste, Asediu Seksuál, Partsipasaun feto hanesan lideransa no espiritu Nasionalismu no partisipasaun Juventude nian iha Postu Administrativu Venilale no Postu Administrativu Vemasse, loron 3 no 4 Agostu 2026.
Oradór ba Sensibilizasaun Ida nee husi Asesor Juridiku PAM Sr. Angenilio Dos R. Jerónimo no Bernardino O. Guterres.
Objetivu husi Sensibilizasaun Ida nee hanesan matadalan Ida hodi hasa’e koñesementu partisipante sira nian Kona ba desentralizasaun administrativa podér lokál nomos atu aumenta koñesementu juventude sira liu-liu feto atu oinsa prepara an atu sai hanesan lideransa feto iha futuru. Aleinde nee atu promove diskusaun no reflesaun Kona-ba importansia atu kombate Asediu Seksuál iha instituisaun Publiku sira.
Liuhosi Sensibilizasaun ne’e partisipante sira apresia tebes bele hetan formasaun Ida ne’e Tamba Liuhosi formasaun ne’e bele loke sira nian hanoin no ajuda mos sira hodi hatene dalan oinsa atu bele resolve s problema bainhira sira hasoru iha fatin publiku, sosiedade tantu iha eskola
Iha oportunidade ne’e mos partisipante sira husu atu atu Sosializasaun Ida ne’e atu labele to’o iha postu deit maibe tenke tun ba iha suku no aldeia nomos iha eskola.
hatan ba preokupasaun husi estidades partisipantes hotu Gabinete PAM sei kontinua hala’o sensibilizasaun sira ne’e sei to’o iha suku no aldeia bainhira hetan atensaun husi suku no aldeia refere.
Atividade ne’e hetan partisipa husi Xefe Suku, Funisonariu husi postu no suku, OPS Postu, juventude feto no mane, Estudante, Profesor inklui mos Ema ho kondisaun espesiál.
𝐁𝐚𝐮𝐜𝐚𝐮: 𝐓𝐞𝐫𝐬𝐚, 04 𝐀𝐠𝐨𝐬𝐭𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, akompaña husi Xefe Gabinete hamutuk ho Diretór Servisu Munisipál Saúde, Konvikasaun Relijoza, Komdante PNTL-Baucau no Komdante BOP, reprezentante Komdante CT F-FDTL, reprezentante Diretór ADN nomós kargu xefia sira, hala’o lansamentu fatuk dahuluk ba konstrusaun kapela nossa señora de Lurdes iha Hospital Regionál Eduardo Ximenes (HOREX) Baucau.
Iha oportunidade ne’e Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬 agradese ba governu sentral liuhusi Ministériu Planeamentu no Investimentu Estratéjiku (𝐌𝐏𝐈𝐄), tanba hari’i kapela ida ba Hospital rejional hodi fó biban ba maluk sira atu hakbiit sira nia fiar bainhira hala’o tratamentu iha fatin ne’e.
“𝐹𝑎𝑡𝑖𝑛 𝑛𝑒’𝑒 𝑚𝑜𝑠 𝑠𝑎𝑖 𝑓𝑎𝑡𝑖𝑛 𝑘𝑜𝑛𝑠𝑜𝑙𝑎𝑠𝑎𝑢𝑛 𝑏𝑎 𝑚𝑒𝑑𝑖𝑘𝑢 𝑠𝑖𝑟𝑎, 𝑝𝑒𝑠𝑠𝑜𝑎𝑙 𝑠𝑎𝑢𝑑𝑒 𝑠𝑖𝑟𝑎 𝑛𝑜 𝑙𝑖𝑢-𝑙𝑖𝑢 𝑏𝑎 𝑓𝑎𝑚𝑖𝑙𝑖𝑎 𝑠𝑖𝑟𝑎, 𝑓𝑎𝑚𝑖𝑙𝑖𝑎 𝑠𝑖𝑟𝑎 𝑛𝑒’𝑒𝑏𝑒 𝑎𝑡𝑢 𝑙𝑎𝑘𝑜𝑛 𝑒𝑠𝑝𝑒𝑟𝑎𝑛𝑠𝑎. 𝐵𝑎𝑖𝑛ℎ𝑖𝑟𝑎 𝑡𝑎𝑢 𝑓𝑖𝑎𝑟 𝑖ℎ𝑎 𝑛𝑎’𝑖 𝑚𝑎𝑟𝑜𝑚𝑎𝑘 𝑚𝑖𝑙𝑎𝑔𝑟𝑒 𝑏𝑒𝑙𝑒 𝑚𝑜𝑠𝑢. 𝐸𝑛𝑡𝑎𝑢𝑛 𝑖𝑡𝑎 𝑑𝑒ℎ𝑎𝑛 𝑓𝑎𝑡𝑖𝑛 𝑛𝑒’𝑒, 𝑓𝑎𝑡𝑖𝑛 𝑠𝑎𝑔𝑟𝑎𝑑𝑢, 𝑓𝑎𝑡𝑖𝑛 𝑒𝑠𝑝𝑒𝑟𝑎𝑛𝑠𝑎 𝑛𝑜 𝑓𝑎𝑡𝑖𝑛 𝑘𝑜𝑛𝑠𝑜𝑙𝑎𝑠𝑎𝑢𝑛,” dehan PAM Baucau.
Exelénsia PAM Baucau, hatutan liuhusi infreastrutura sira ne’e faz parte hodi munisípiu Baucau prepara-an ba desentalizasaun Administrativa no poder lokál.
“𝑇𝑎𝑛𝑏𝑎 𝑀𝑢𝑛𝑖𝑠𝑖𝑝𝑖𝑢 𝑖𝑑𝑎 𝑛𝑒’𝑒𝑏𝑒́ 𝑝𝑟𝑒𝑝𝑎𝑟𝑎 𝑎𝑛 𝑏𝑎 𝑃𝑜𝑑𝑒𝑟 𝑙𝑜𝑘𝑎𝑙, 𝑒𝑛𝑡𝑎𝑢𝑛 𝑖𝑛𝑓𝑟𝑒𝑎𝑠𝑡𝑟𝑢𝑡𝑢𝑟𝑎 𝑛𝑒’𝑒 𝑝𝑎𝑟𝑡𝑒 𝑖𝑑𝑎 ℎ𝑢𝑠𝑖 𝑝𝑟𝑒𝑝𝑎𝑟𝑎𝑠𝑎𝑢𝑛 𝑏𝑎 𝑑𝑒𝑧𝑒𝑛𝑡𝑟𝑎𝑙𝑖𝑧𝑎𝑠𝑎𝑢𝑛 𝑎𝑑𝑚𝑖𝑛𝑖𝑠𝑡𝑟𝑎𝑡𝑖𝑣𝑎,” nia hakotu.
Entretantu Projetu ba konstrusaun kapela ne’e liuhusi fundu Ministériu Planeamentu no Investimentu Estratéjiku (MPIE), ho númeru kontratu: 𝐒𝐒𝐒/103/𝐌𝐏𝐈𝐄/2026 orsamentu $. 96,252.30 dolar ne’ebé durasaun servisu 24/07/2026- 24/03/2027.
𝐕𝐞𝐦𝐚𝐬𝐬𝐞: 𝐒𝐞𝐬𝐭𝐚, 31 𝐉𝐮𝐥𝐥𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, akompaña husi Asessor Prinsipál no Xefe Gabinete, hala’o vizita traballu iha Postu-Administrativu Vemasse, Munisípiu Baucau.
Iha okaziaun ne’e Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hateten, Importánsia husi vizita traballu ne’e faz parte planu integradu Autoridade Munisipál Baucau nian, atu hakbesik liután programa governu nian ba komunidade sira liu-liu atu hatene dezafiu no oportunidade ba dezenvolvimentu husi suku nian ne’ebé durante infrenta.
Vizita ne’e hahú husi Postu Administrativu Vemasse hodi bolu atensaun lideransa sira husi Administradóra Postu-Administrativu Vemasse hamutuk ho Autoridade komunitária sira hodi konvoka reuniaun extra-ordianaria atu rona preokupasaun husi Suku sira nian relasiona infreastrutura bázika no setór produtividade ne’ebé sai potensialidade bo’ot ne’ebé balun sei abandonadu.
Iha oportunidade ne’e mos Autoridade komunitária sira hato’o agradesimentu ba programa IX governu konstituisionál nian ne’ebé durante ne’e kontinúa dezenvolve ona área infreastrutura bázika no setór produtividade agríkola, Edukasaun no Saúde, liuhusi programa Nasionál no Munisipiu hodi lori benefísiu ba komunidade sira to’o aldeia.
Maski governu hahú dezenvolve setór hirak ne’e iha munisípiu Baucau. Liuhusi konvokatóriu ne’e Exelénsia PAM Baucau, enfatiza katak Autoridade komunitária sira tenki servisu maka’as liután atu hato’o dadus ne’ebé klareza ligadu ba preokupasaun ne’ebé komunidade infrenta hanesan estrada, be’e-mos, elektrisidade, saúde, edukasaun no área produtividade sira seluk. bainhira iha futuru faze implementasaun ba programa bele la’o ho di’ak tuir nesesidade komunidade sira nian.
Molok termina sesaun diskusaun Exelénsia PAM Baucau, deseja bom susesu nafatin ba Autoridade komunitária sira atu kontinúa nafatin servisu hamutuk loke komunikasaun ba malu ne’ebé di’ak hodi haree de’it ba nesesidade importante komunidade nian. Nune’e mos faz parte ba preparasaun avaliasaun hodi prense kondisaun minima hakat ba desentralizasaun Administrativa no poder lokál.
𝐁𝐚𝐮𝐜𝐚𝐮: 𝐊𝐢𝐧𝐭𝐚, 30 𝐉𝐮𝐥𝐥𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hala’o enkontru ho Estrutura Servisu Munisipáis, kargu xefia sira iha sala Wewe, Administrasaun Munisipál Baucau.
Objetivu husi enkontru ne’e atu bolu atensaun ba servisu munisípais liuhusi Sekretáriu Munisipál na’in tolu, Diretór Servisu Munisipál, Administradór Postu-Administrativu na’in 8, kargu xefia sira atu bele konsetrasaun maximu ba responsabilidade hodi tau atensaun ba ejekusaun orsamentu nune’e mos preparativu ba segundu faze avaliasaun kondisaun minima ba servisu munisipais.
Iha ekontru ne’e mos Exelénsia PAM Baucau, husu Estrutura servisu munisipais hala’o preparativu nune’e mos hametin koorndenasaun ho entidades relevante sira atu apoiu ba selebrasaun loron nasionál 20 de agostu tinan ne’e tuir planu sei realiza iha Postu-Adminitrativu Matebian.
𝐁𝐚𝐮𝐜𝐚𝐮: Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬, hamutuk ho reprezentante Prezidente CMCLN-Baucau no Koordenadór Klibur Sobrevivente Feto Pirilampu Munisipiu Baucau, abertura Atividade Lansamentu Livru ho titulu “Lalatak no Roman Pirilampu: Livru Memória Sobrevivente Pasadu”.
Atividade ne’e servisu hamutuk ho Dirijente Pirilampu Munisipiu Baucau, Dinamizadora no sobrevivente sira no parseiru AUFD hodi halibur parte intereasada hotu inklui komunidade sira ba luta sobrevivente nia ba direitu ba Lia Lo’os no ejisensia ba lei reparasaun. Lansamentu ida ne’e hala’o iha salaun Soi-Mali, Administrasaun Munisipál Baucau Kinta, 30-07-26.
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hateten hanesan Prezidente Autoridade fó ha’u nia valór boot tebes-tebes ba ita bo’ot sira nia dedikasaun no sakrifisiu ne’ebe servisu la para atu bele hatudu istória ne’ebe diak no loron Ohin importante ba ita hotu hodi lansa livru lalatak no naroman pirilampu ida ne’e. Lansamentu livru ne’e la’os poletania ba pajinas deit maibe livru ida ne’e ita tenke hatene memoria saída maka iha livru nia laran no tenke haree konteudu husi livru ne’e rasik Tamba iha livru ne’e nia laran ema ida-idak Konta nia istoria no espresa sira nia sentimentu ne’ebe durante sira hasoru.
“Hanesan PAM ha’u enkoraja organizasaun ida ne’e bele hamriik hodi fó ona ita boot sira nia lian no loke ita nia lian atu lian ida ne’e bele lori to’o objetivu ida ne’ebe ita bo’ot sira hakarak
Tanba ne’e ha’u hateten organizasaun pirilampu tenke sai hanesan organizasaun ida ne’ebe hamriik iha munisipiu atu ita bele koalia bebeik no ba nafatin tamba ida ne’e hanesan istória ida ne’ebe maka hakerek iha livru ida no istória ne’e tenke iha rekoñesimentu iha nasional”
Exelénsia PAM Baucau mos hato’o agradese no fó valor bo’ot tebes-tebes ba Organizasaun non govemental no ekipa Komisaaun organizadora ba didikasaun no sakrifisiu servisu la para atu bele hatur istoria ne’e ho didiak, governu bele la haree to’o karaik maibé ita bo’ot sira hanesan organizasaun non- governamentais maka hanensan kontrolu sosiál ne’ebe di’ak sai mos hanesan matan, tilun no ibun ba ema sira ne’ebe lian la iha.
Tanba ne’e ha’u hakruuk ba ita boot sira e kontinua nafatin servisu ida ne’e ha’u mos sente katak ita boot sira parseiru ida neebe diak atu ita bele hamutuk bele lori lian sira ne”ebe la iha lian ba nivél ida as liu nune’e bele hetan atensaun Ida ne’e maka ita dehan parseiru ne’ebe di’ak parseiru ida ne’ebe dezenvolvimentu la’os deit parseiru internasional maibé parseiru nasional ne’ebe ita presisa servisu hamutuk liu-liu iha munisipiu Baucau.
© 2026 Municipal Authority of Baucau
