Venilale: Tersa, 02 Juñu 2026-
Reprezentante Exelénsia PAM Baucau, Sekretáriu Munisipál PIDI, Sr. Eduardo F. Ximenes, akompaña husi Administrador Postu Administratviu Venilale, hahú lansa ona fatuk dahuluk ba Estrada rural liuhusi implementasaun Programa Nasionál ba Dezenvolvimentu Suku (PNDS) iha Suku Uma-Ana-Ulo, Postu-Administrativu Venilale Munisípiu Baucau.
Polítika Governu nian kontinúa tau prioridade ba dezenvolvimentu lokál sira iha báze, nune’e faz parte mós preparasaun bá dezentralizasaun Administrativa no Poder Lokál. Iha munisípiu Baucau tinan ne’e Programa Nasionál ba Dezenvolvimentu Suku (PNDS), hare’e prioritizasaun ne’ebé importánsia ba komunidade sira nian, hanesan estrada rurál liu-liu iha Suku Uma-Ana-Ulo. Ne’ebé, hahú ona implementa programa ne’e hodi dezenvolve infreastrutura ki’ik sira hodi fó benefísiu ba komunidade sira asesu iha futuru.
Iha biban ne’e Autoridade lokál agradese ba Governu liuhusi programa PNDS ne’ebé hahú ona implementa iha Suku Uma-Ana-Ulo, ba futuru garante komunidade nia asesu. Nune’e, husu atu kooperasaun ba reabilitasaun Estrada rural bele la’o ho di’ak hodi garante transparénsia, tanba komunidade mak sai na’in ba obra refere.
Reabilitasaun Estrada rural ne’e ho Km 4, durasaun servisu fulan 4 ne’ebé responsavel fornesedor ba material husi kompañia lokál sira hanesan SUMBER UNIP.LDA ho orsamentu $ 18,870.50 no UATUDABA UNIP.LDA ho orsamentu $ 13.129.50.
Atividade ne’e marka prezensa husi Assesor PNDS, Autoridade Seguransa PNTL ho nia membru, Veteranu, Amo Paroquia Venilale, Autoridade lokais, lia-na’in, Funsionáriu sira, Juventude no komunidade sira.