Baucau: Tersa, 2 Juñu 2026-
Reprezentante Exelénsia PAM Baucau, Xefe Gabinete Sra. Cesaltina M. J. Rego akompaña husi Asesor Jurídico, partisipa iha vizíta Embaixadór Repúblika Korea Exélensia Chang Ha Yeon, ba projetu SN5S Koica nian iha eskola EBC 1.2.3 Vila-nova no observa implementasaun Programa Merenda Eskolar (serve hahan ne’ebé foin te’in tasak ba estudante sira), vizita mós EBC 3 Aubaca hodi observa direita infraestrutura dapur ba merenda eskolar,ne’ebé suporta liuhusi projetu SN5S.
Objetivu prinsipal ba atividade ne’e mak atu observa apoiu ne’ebé fornese liuhusi inisiativa SN5S (Hatan la’e ba 5S, Hamlaha, Helminthiasis ne’ebé trasmite husi rai, Moras Kulit, Fuma no Masin-Midar/ Alkohilika) nian, avalia impaktu potensiál husi finansiamentu atu mai no hetan kompriensaun di’ak liu kona-ba prátika ai-han eskola nian iha rai laran.
Vizíta ne’e partisipa husi Country Director KOICA, Sra. Youn Hwa Kang, Deputy Country Director KOICA, Sra. Suji Lee, Deputy Country Director WFP Timor-Leste, Sr. Amin Said, Xefi Programa WFP, Sr. Ali Ahmad Khan, Estudante sira, Professores inklui Cozineira