𝐑𝐞𝐩𝐫𝐞𝐳𝐞𝐧𝐭𝐚𝐧𝐭𝐞 𝐏𝐀𝐌 𝐁𝐚𝐮𝐜𝐚𝐮, 𝐀𝐛𝐞𝐫𝐭𝐮𝐫𝐚 𝐖𝐨𝐫𝐤𝐬𝐡𝐨𝐩 𝐊𝐨𝐧a-𝐛𝐚 “𝐇𝐚𝐤𝐛𝐢’𝐢𝐭 𝐏𝐚𝐫𝐭𝐢𝐬𝐢𝐩𝐚𝐬𝐚𝐮𝐧 𝐅𝐞𝐭𝐨 𝐛𝐚 𝐄𝐥𝐢𝐬𝐚𝐮𝐧 𝐌𝐮𝐧𝐢𝐬𝐢𝐩𝐢𝐮 𝐧𝐨 𝐃𝐞𝐬𝐞𝐧𝐭𝐫𝐚𝐥𝐢𝐳𝐚𝐬𝐚𝐮𝐧”

Baucau: 14/11/2024 Reprezentante PAM, II Sekretariu Planeamentu Dezenvolvimentu Integradu Sr. Eduardo Filipe Ximenes halo abertura workshop sensibilizasaun politika desentralizasaun no poder lokal ba feto partidu politiku  no feto potensial iha Munisipiu Baucau hodi ativu iha prosesu preparasaun ba estabelesementu orgaun Munisipál liu-husi eleisaun Munisipiu ne’ebé sei akontese  iha tinan oin .

Objetivu husi atividade  ne’e atu partilha informasaun adekuada ba feto maluk sira hodi hatene no kompriende ho didiak kona-ba sistema no karakter eleisaun Munisipal no sistema politika desentralizasaun.

Tuir reprezentante  Prezidente Autoridade Munisipál Baucau, II Sekretariu Munisipál PIDI,  Sr. Eduardo Filipe Ximenes hateten: agradese ba fundasaun CAUCUS  bele impodera no fahe informasaun relativamente ba feto sira bainhira  feto sira atu partisipa iha vida politika, liu-liu iha nivél Munisipál.

#Remata

#Média PAM Baucau-2024

Baucau: Bazeia ba despaxu nú. 49/M-MAE/V/2024, 31 maiu, kona-ba constituição de Catorze Comissões locais para a visita de sua Santidade o papa a Timor-Leste dos seus membros. Maka Autoridade Munisipal Baucau hamutuk ho parte relevante sira hotu harii Estrutrua Komisaun Organizadora (KO) ba vizitasaun sua Santidade. Reuniaun ne’e realiza iha salaun apuramentu Munisipal, loron segunda-feira, 01/07/2024.
Liuhusi reuniaun ne’e lidera husi Prezidente Autoridade Munisipal Baucau Dra. Veneranda E. M. Lemos Martins, hamutuk estrutura ba komisaun organizadora, deskute kona-ba preparasaun vizita sua santidade Papa Franciso iha Timor-Leste, tanba ne’e iha reuniaun ne’e oinsa atu prepara peregrinus husi Postu-Administrativu 6, ne’ebé sei dezloka ba Dili hodi simu bensaun direta husi Sua Santidade Papa Francisco. Tanba ne’e pereginus ne’ebé sei hala’o viajen ba Dili tenki registu hamutuk 50 mil.
Iha reuniuan ne’e partisipa husi Estrutura Autoridade Munisipal, Komadante PNTL Munisipiu Baucau, Komadante F.FDTL, Veteranu/a, Padre, Madre, AEMTL, Administrador Postu Administrativu 6, delegasaun territorial no funsionariu sira.
# Remata
#Média PAM Baucau-2024

Quelicai, 21 de Agosto 2023

JOGU KOMUNITÁRIO POSTO ADMINISTRATIVO QUELICAI

Administrasaun Postu Adminístrativu Quelicai realiza Jogu Komunitária husi fulan Agosto – Novembero 2023. Objetivu husi Jogu Komunitária neé atu komemora loron Nasionál 28 Novembro 2023 ba dala 48. Antes hahú Jogu Komunitária refere, Administrasaun Posto Administrativu konvida Xefe Suku, Juventude Suku & Offisial ida husi suku-suku ida-idak marka prezensa iha Sede Administrasaun Posto hodi establese Komisaun Organizadora ba realizasaun Jogu Komunitáriu neé. Modalidade desportu iha Jogu Komunitáriu ne’e mak hanesan Volly Ball ba Feto & Mane, no Futeball ba Mane.

Depoizde establese Komisaun Organizadora, ekipa hahu loke rejistrasaun ba Partisipantes ba Jogu Komunitariu ne’ebé naturalmente Suku 15 ne’ebe eziste iha Posto Quelicai. Suku sira neébe rejistradu mai ho vontade kulminante ida katak liu-husi Jogu ida-ne’e mak bele hametin, valoriza no dignifika unidade, fraternidade entre Quelicai oan sira hotu.

Tuir oráriu jogu neébe define husi Komisaun Organizadora, Jogu komunitária ne’e sei haláo deit iha loron Kuarta-feira & Sabado, no sei termina iha loron 26 fulan Novembru tinan 2023. Komisaun Organizadora sei fó Premio simples tuir kbiít Komisaun Organizadora, tuir grau klasifikasaun.

Fundus principal ba Jogu Komunitáriu neé mai-husi SE. Prezidente Autoridade Munisípiu Baucau.

Moto ba Jogu Komunitariu ida-neé mak: “Quelicai ida ba Quelicai Oan Tomak.”

Ba informasaun liu-tan, favor kontaktu Sr. Francisco Matias Gusmão “Junior”, Númeru Telemové: +670 77667371.

Baucau, 29 Setembru 2023

Formador husi IT – MAE & IT UNDP fornese trenimentu ba Treinadores Munisipal iha Munisipiu Baucau, halao durante loron rua hahu husi 28 – 29 Setembru 2023. Partisipantes treinamentu nee mai-husi Pontu Fokal Lina sektorais sira no Posto Administrativu 6.

Pontu Fokal Munisipiu

Press Release:

22 Agosto 2023

REPREZENTANTE BO’OT HUSI WFP VIZITA TIMOR-LESTE HODI HAMETIN SERVISU HAMUTUK KONA-BA SIGURANSA AI-HAN NO NUTRISAUN

Dili, – Ho kontextu folin ai-han aumenta, mudansa klimatiku   no situasaun ekonomia nebe ameasadu, Sr. Stanlake Samkange, nudar Diretor Husi Unidade  Estratejia Parceria ,to’o  ohin loron iha Timor-Leste ho missaun  durante loron 4  hodi hametin  servisu hamutuk entre Programa Mundial Aihan ho governo Timor-Leste  nomos ho parseiru  dezenvolvimentu  importante sira seluk  kona ba seguransa alimentar no nutrisaun.

Durate vizita Sr. Stanlake  sei halo diskusaun oinsa seguransa-ai-han no nutrisaun bele rezolve liu husi investimentu hamutuk iha agrikultura no jestaun be’e , kadeia valor nebe sensivel ba nutrisaun no dezenvolvimentu kapital humanu. Nia sei hasoru malu  Nai Ulun nasaun nian nebe halo advokasia  ba  seguransa ai-han no nutrisaun, inklui  ho S.E Presidente Republika Timor-Leste Sr. Dr. Ramos Horta no S.E Vice- Primeiro Ministro  Sr. Eng. Mariano Assanami Lopes .

Hanesan parte husi misaun nian, Sr. Stanlake sei haree ba progressu iha munisípiu Baucau kona-ba produsaun fos  fortifikadu ne’ebé WFP apoiu no benefísiu husi ligasaun entre investimentu iha agrikultura ho edukasaun liu husi programa  governo nian iha merenda escolar ne’ebé WFP apoiu ho fundu husi Agénsia Kooperasaun Internasional Koreana. Nia sei akompanha  husi representante husi Ministériu Agrikultura, Pekuária, Peska no Floresta, no Banco Dezenvolvimentu Ázia

“WFP iha  kompromisu atu apoiu misaun Governu Timor-Leste nian hodi dezenvolve kapital humanu   no hodi hakotu hamalaha no malnutrisaun .  Investimentu kiik  iha produsaun ai-han  lokal no ai-han  saudável hanesan esensiál ba dezenvolvimentu kapital humanu no asegura kresimentu ekonómiku inkluzivu no prosperidade,” Sr. Samkange hateten  wainhira nia to’o iha Timor-Leste

WFP hahu servisu  iha Timor-Leste husi tinan 1999. WFP servisu hamutuk ho komunidade no Governu atu hametin programa sira ne’ebé  existe ona  no   hodi  preenshe  lakuna programatika sira ne’ebé enderesa  kona-ba dispoñibilidade, asesu, no  asessibilidade ba diversu  no ai-han nutritiva. PAM foin lalais reviza ona Planu Estratejiku ba Timor-Leste ho aprosimasaun dupla atu nune’e bele hadian sistema ai-han no nia kontribuisaun  ba seguransa ai-han liu  husi uza   pratika sira nebe matenek nebe bele adapta ho klima, evidensia bazea ba aproximasaun sensivel ho nutrisaun.

#                           #                           #

Programa Mundial ba Ai-Han husi  Nasoins Unidas  nudar  organizasaun humanitária boot ida iha mundu ne’ebé salva vida iha situasaun emerjénsia no uza asisténsia ai-han  atu hari dalan ba dame, estabilidade, no prosperidade ba ema sira nebe rekupera  husi konflitu, dezastre no impaktu mudansa klímátika nian.

Acompanha ami iha Twitter@wfp_media

Ba informasaun liu tan, favor kontaktu antonia.suryany@wfp.org Ofisial Ligasaun ba Governu +670 78362794

Imogen Wilson, Ofisial Communications nian  +670 77964914

Baucau, 23 Dezembru 2022, MAE serbisu hamutuk ho Parseiro Dezenvolvimentu Programa Nasoens Unidas ba Dezenvolvimentu (PNUD) realiza formasaun Portal Munisipal iha Autoridade Municipal Baucau durante loron rua hahú 22-23 Dezembro 2022.

Objetivu husi formasaun ida ne’e atu kapasita pontu fokal husi Servisu Municipal ne’ebe iha interligadu ho indikadores hitu ne’ebe introduz iha portal municipal.

Dia 27 de Outubru 2022, iha salaun INFORDEPE Munisipiu Baucau,halao divulgasaun Dekretu Lei Nú.37/2022 de 25 de Maiu, sobre Pagamentu subsidiu fim do ano tinan 2022, Diploma Ministerial Regulamentu Subsidiu fim do ano Uma-kain no Diploma Ministerial Nú 49/2017 de 23 de Agosto, Ministerio Administrasaun Estatal.

Iha divulgasaun Dekretu Lei Nu.37/2022 ho Diploma regulamento ba Pagamentu fin do ano hetan partisipasaun masima husi entidades Importante sira hanesan Administrador Postu Administrativo Nain Ne’en(6), Xefe do Suku  59, Pessoal Apoio Administrasaun Suku 59, Ofisial Polisia Suku (OPS).

Iha intervensaun Sekretariu Autoridade Munisipal Baucau ba partisipantes sira Divulgasaun ida-ne’e importante tebes ba ita-bo’ot sira atu hatene oinsa ba pagamentu subsidiu fin do ano ho nia regulamentu sira tuir enkuadramentu legal antes tama iha implementasaun fulan Novembru no fulan Dezembru tinan ida ne’e .

Liu-liu ba Administrador Postu Administrtivo, Xefe Suku no PAAS sira, implementasaun  Subsidiu fim do ano ba Uma kain, ita boot sira nia papel importante tebes iha nia akompanhamentu ba siguransa hamutuk ho ita nia Polisia esquadra no OPS sira ne’ebe destaka iha suku idak-idak iha periodo tomak implementasaun Pagamentu subsidiu fin do ano tenki lao ho diak nune’e mos ba Xefe Suku no PAAS atu labele aumenta no hamenus dadus benefisiariu sira tamba pagamentu ida ne’e sei kobre deit ba Lista ”Uma Kain” ne’ebe elabora iha fulan fevereiru 2022, tamba dadus agregadu Uma Kain hirak nee ita-bo’ot sira mak aprezenta mai iha Autoridade Munisipal hodi kontinua ba Ministeriu Administrasaun Estatal iha fulan Fevereiru tinan 2022.

Total agregadu Uma kain ba pagamentu subsidiu fin do ano Munisípiu Baucau hamutuk 35.388 Uma Kain husi 166.017 Populasaun mai husi Postu Administrativo Nen(6) no Suku 59.

Iha dia 26 de Outubru de 2022,Autoridade Munisipal Baucau hamutuk ho Sua Excelensia Sekretariu Estadu Cooperativa abertura distribuisaun Programa Cesta Basika iha Postu Administrativo Baucau, Suku Tirilolo, Aldeia Caisido.

Intervensaun Sekretáriu Autoidade Munisípál Baucau iha Lansamentu distribuisaun Programa Cesta Basica  nivel Munisipiu iha suku Tirilolo esklarese katak programa fahe Cesta Basika ida ne’e ba daruak ona husi Programa Governo Konstitsional VIII, tamba programa  neé rasik sustenta husi Orsamentu Geral do Estadu ho nia objetivo atu halo rekuperasaun ekonomia hodi apoiu ba ita nia komunidade sira atu  bele sustenta sira nia vida iha tempu balun nia laran. Nune’e Autoridade Munisipal de Baucau hanesan reprezentasaun Governu Central iha Baze, husu ba entidades relevantes sira ne’ebe nakait ho distribuisaun programa ida ne’e hanesan Aifaesa, CAC no PDHJ atu halo akompanhamentu ho didiak hodi nune’e ita-nia komunidade sira bele asesu ba hahan sira ne’ebe distribui ho kualidade. La haluha husu ba kompanhia fornesedor sira atu hola ita-nia produtu sira nebe’e ita nia komunidade sira Produs iha Munisipiu Baucau, labele utiliza deit sasan importasaun nian.

Iha tinan ida ne’e (2022) familia agregadus nebe’e sei simu cesta básika husi Postu Administrativo Nen(6) iha Munisipiu Baucau hamutuk  komunidade 166.017 husi 35.388 uma kain ( kompilasaun dadus Familia to’o iha fulan Fevereiru 2022).

Partisipa iha Lansamentu ida ne’e, SE.Sekretariu Estadu Cooperativa, Representante MAKAE, Sekretariu Autoridade Munisipal, Komandante PNTL, Administrador Postu Administrativo Ne’en(6) Xefe suku 59, equipa Observadores husi CAC, AIFAESA no PDHJ.

Sensibilizasaun Lei nú 7/2020 iha artigu 28 sobre medidas prevensaun Combate Corrupsaun (MPCC)

Presidente Autoridade Munisípál Baucau iha sensibilizasaun Lei nú 7/2020 iha artigu 28 sobre medidas prevensaun Combate Corrupsaun (MPCC) atu rejista no verifika deklarasaun rendimentu bens no Intereses/riku soin, ho Comissão  Anti Corrupção (CAC) iha salaun Apuramentu Munisípál Baucau.

Aleinde halao sensibilizasaun kontinua kedan ho arolamentu /rejista  partisipante sira ne’ebe mai husi instituisaun estadu sira, tantu instituisaun públiku direita no autonomo sira,ne’ebe okupa kargu hanesan Diretor sira to’o kargu Xefe departementu,Administrador Postu Administrativo,Superintendente edukasaun,Inspetur escolar,GAT no funsionariu/ajente Públiku sira ne’ebe servisu iha Aptovisionamentu no kontratu sira ih Autoridade Munisípál

Liu-liu ba Instituisaun sira ne’ebe sujeita ba rejime deklarasaun riku soin nian.rejista no verifika deklarasaun rendimentu bens no interese  riku soin,ba kargu  diresaun no xefia sira hotu- hotu obrigatoriu atu hola parte iha arolamentu refere. Baucau,10 Outubru de 2022

Sekretáriu Autoridade Munisípál Baucau Repersenta Presidente Autoridade Munisípiu Baucau iha asina termu entrega rai ho Ministériu Edukasaun Joventude no Desportu,iha Suku Triloka ba rai ne’ebe oferese volontariamente husi komunidade Suku tolu(3) mak hanesan Suku Triloka,Suku Gari-uai no Suku Bucoli  ne’ebe lokaliza iha Aldeia Lequiloi-uato no Dara-sula,ho medidas 62.198 M² tuir Mapamentu Planta Terenu  Númeru 11/410/60/Cadastro/DTPSC/MB/II/2022, ho data levantamentu loron 8 fulan Jullu tinan 2022 husi Terras  Proprietariu e Cadastru Munisípiu Baucau.

Autoridade Munisipál Baucau apresia no Elojia ba komunidade no autoridade Lokal suku Triloka,Gari-uai no Bucoli,tamba aktu entrega rai ba dezenvolvimentu Edukasaun ne’e nia valor bo’ot tebes,rai kuandu husik mamuk deit nia valor laiha,maibe utiliza hodi dezenvolve setor edukasaun no produs matenek ,mak nia nia valor bo’ot liu no aas liu ho nune’e mak komunidade rasik iha sensu ida hodi valoriza ninia rai ba dezenvolvimentu ninia ema nia kuinesimentu,abilidade no aptidaun.nune’e hakarak atu apresia no agradese ba komunidade no liders komunitariu sira nia vontade nebe’e entrega rai ba futuru dezenvolvimentu Ensinu Sekundariu.( intervensaun SEKMU BCU).

Iha asina Termu entrega rai refere partisipa husi Representante Komandante PNTL,Representante Komandante Komponente Terestre,Diretor  Servisu  Munisipal Edukasaun Munisípiu  Baucau,Diretor Servisu Munisipal Terras Propritariu e Cadastru Munisipiu Baucau,Administrador Postu Administrativo Baucau,Superintendente Edukasaun,Inspectur eskola,Xefe Suku (Triloka,Gari-uai, Bucoli),Veteranus no komunidade.(6/10/2022)