Laga (iha lia-portugés: Laga) Postu Administrativu ida iha munisípiu Baukau, Timór Lorosa’e nian. Bazeia ba Census Populasaun tinan 2022, total Populasaun Posto Administrativo Laga hamutuk 19,727 mane hamutuk ema 9,913 e feto 9,814. Entre total populasaun nee, idade husi 0-14 hamutuk ema ………., idade 15-59 hamutuk ema ………… e idade 60 ba leten hamutuk …………..

• Atelari
• Libagua
• Nunira
• Saelari
• Sagadate
• Samalari
• Soba
• Tequinomata

Jeografia

Fronteira postu administrativu Baucau tuir Jeografia, parte leste baliza ho Posto Lautem, parte oeste ho postu administrativu Baucau Vila, parte norte tasi feto no parte sùl baliza ho Posto Baguia no Quelicai. Área 199, 73 km².[1]

Postu administrativu Laga iha suku Ualu (8) mak hanesan tuir mai neé: Atelari, Libagua, Nunira, Saelari, Sagadate, Samalari, Soba, Tequinomata.

 

Setór Ekonomia

Sentru ba rendimentu populasaun Laga maka merkadu Larifanu, Teriloidae, Nunira no Atelari nebee bazar iha loron diferente. Liu husi bazar nee populasaun bele faan sira nia produtu oi-oin atu bele hatutan sira nia vida moris.

Komersio no negosiu maka loja kiik no kantina nebee faan sasan alimentar nebee limitadu ka uituan deit. Baibain sasan sira nee sosa iha Kapital Baukau ou Dili e balun husi produsaun povo nian.

Industria kiik iha postu administrativu refere mak ikan tunu iha Dailari, dulas hare, dulas batar, halo kripik, homan luhu modelu oi-oin, halo tais, no fore-rai sona, fehuk sona, hudi sosa no sel-seluk tan.

Fatin nebee potensia ba Turizmu mak hanesan Tasi Laga, Be tudak iha Boleha, too agora sedauk hetan rendementu husi parte Turismu tamba kondisaun Estrada mak laasesu too fatin balun iha sitiu Turizmu.

Setór Infrastrutura

Obras antigu mak hanesan rezidensia administrador postu administrativu, ofisiu postu administrativu, Igreja, no obra arkitetura portuguesa too dadaun barak mak sei utilize nst.

Kondisaun Estrada Baucau Vila too Administrasaun Posto agora Iha kondisaun. No husi Posto ba Suku sira sei iha faze konstrusaun. Iha tempu okupasaun Indonesia kuaze alkatraun atu tama too suku no bairo iha Laga laran maibee alkatrasaun sira nee aat hotu ona, e estrada sai fali bee dalan iha tempu udan. Transporte neébe sira sirkula iha Laga mak mikrolet no Anguna.

Populasaun iha postu administrativu Laga Vila barak hetan bee moos, maibe iha parte  balun bee sei araska no sira presija lao kilometru 4 – 7 mak foin hetan bee.

Suku iha Postu Administrativu Laga hetan hotu ona eletrisidade hela deit aldeia balun mak seidauk asesu.

Meus ba komunikasaun iha postu administrativu Laga kuaze iha hotu ona mak hanesan rede telefone, internet, no mos radiu ho televizaun.

Setór Agrikultura

Iha Posto Laga mak hanesan hare, batar, fehuk- midar, ai-farina, koto, tomate, fehuk-roupa, repollu, kafé, mostarda, talas, kontas, lis- mean, lis- mutin, Kamii, nuu, hudi, haas, sabraka, jambua, kulu, kulu jaka, Ai-nanas no seluk- seluk tan

Animal sira nebee populasaun Laga hakiak mak hanesan: Karau-Timor, karau-baka, kuda, bibi- timor, bibi- malae, manu, fahi no asu. Inklui peska ikan iha Tasi.

Setór Edukasaun

Parte edukasaun iha Postu Administrativu Laga iha mudansa boot bainhira ita kompara ho tempu Portugues no Indonézia tamba kuaze suku hotu-hotu iha Laga iha hotu ona eskola EBC Filial, maske fasilidade, ekipamentu, material no mestre seidauk sufisiente ba eskola hotu- hotu.

Total Eskola Primaria Publiku no Privada iha postu administrativu Laga hamutuk 22 Eskolas.

Total Ensino Basiko hamutuk 19 Eskola

Total Eskola Sekundaria Jeral hamutuk 2 Eskola

Total Eskola Teknika Vokasional hamutuk 1 Eskola.

Turizmu

Laga nia panaroma ne’ebe furak tebes sei sai fatin tourizmu iha futuru. Fatin ne’ebe potensia dada turistas mak hanesan Bee tudak Boleha.

Língua

Lingua nebee populasaun Postu Administrativu Laga uza hodi halo komunikasaun mak hanesan: Tetun, Makasa’e. Lian nee maioria populasaun koalia hodi halo komunikasaun ba malu.