𝐐𝐮𝐞𝐥𝐢𝐜𝐚𝐢 𝐀𝐧𝐭𝐢𝐠𝐨: 𝐒𝐞𝐠𝐮𝐧𝐝𝐚, 26 𝐎𝐮𝐭𝐮𝐛𝐫𝐮 2026-

Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬 ho Diretor Geral Desentralizasaun Governu Lokal (DG-DGL) 𝐒𝐫. 𝐀𝐧𝐭ó𝐧𝐢𝐨 𝐀. 𝐆𝐮𝐭𝐞𝐫𝐫𝐞𝐬, Reprezentante Ministru Agrikultura Pekúaria Peska no Floresta, abertura seminariu ba Loron Estabelesimentu Autoridade Munisipal Baucau Ba Dala X ho Tema Prinsipal “𝑯𝒂𝒎𝒆𝒕𝒊𝒏 𝑫𝒆𝒛𝒆𝒏𝒗𝒐𝒍𝒗𝒊𝒎𝒆𝒏𝒕𝒖 𝒏𝒐 𝑲𝒖𝒂𝒍𝒊𝒅𝒂𝒅𝒆 𝒏𝒐 𝑬𝒇𝒊𝒔𝒊𝒆𝒏𝒕𝒆” nomos Selebarasahn Loron Ai-han Mundial ba Dala XLV ho tema “𝑯𝒂𝒎𝒆𝒕𝒊𝒏 𝑰𝒉𝒂 𝑰𝒏𝒐𝒗𝒂𝒔𝒂𝒖𝒏 𝑮𝒂𝒓𝒂𝒏𝒕𝒆 𝑨𝒊-𝒉𝒂𝒏 𝒏𝒐 𝑵𝒖𝒕𝒓𝒊𝒔𝒂𝒖𝒏”, serimonia ofisiál ba tinan ida ne’e hala’o iha Suku Afaça Postu Administrativu Quelicai-Antigo, Munisípiu Baucau.

Importánsia ba serimonia estabelesimentu Munisipiu Baucau ba dala X, servisu prinsipál mak tenke konsentra liu tan ba oinsá atu hamenus pobreza, aumenta kualidade infrastrutura bazika, proteje medio-ambiente, no fornese servisu públiku ne’ebé di’ak liu ba komunidade. Ita presiza mós kapasita liutan rekursu humanus lokal, liu-liu juventude no feto sira, hodi nune’e sira bele sai na’in ba dezenvolvimentu iha sira-nia rai rasik, liuhusi implementasaun efisiente ba programa dezenvolvimentu munisipál sira.

Iha ámbitu preparasaun ne’e, esforsu husi entidade hotu-hotu, administrasaun munisipál, lideransa komunitária, autoridade lokál, parseiru dezenvolvimentu sira, to’o mós povu tomak iha suku no aldeia sira, sai nu’udar kbiit boot liu hotu. Desentralizasaun katak hatutan podér besik liu ba sidadaun, hodi simu desizaun no rezolve problema iha nivel lokál ho lalais no efektivu.

Tan ne’e, tema husi ita-nia komemorasaun ohin nian mak lia-fuan matenek ida ne’ebé fo hanoin mai ita hotu: “HAMETIN DESENTRALIZASAUN HO KUALIDADE NO EFISIENTE”. Tema ne’e husu atu ita hotu hamutuk servisu di’ak liu tan, garante katak bainhira podér no kompeténsia sira desentraliza ba munisipiu, servisu ne’ebé fó sai tenke ho kualidade ne’ebé aas, transparente, livre husi korrupsaun, no fó satisfasaun total ba sidadaun sira. Liuhosi inaugurasaun balkaun úniku no melloramentu servisu rejistu, notariadu, no identifikasaun sivil iha Baucau, ita haree ona ezemplu konkretu katak Estadu hakbesikan an ba lia-loos ba nia povu.

Saida mak presiza atu halo depois de tinan 10 estabelesimentu Munisipiu Baucau?

Molok ita tama ba oin, ita tenke halo reflesaun kle’an kona-ba pasu tuir mai. Bainhira Baucau kompleta ona tinan 10 nia ezisténsia nudar munisípiu, iha prioridade importante balun ne’ebé presiza atu hala’o ho urjénsia iha ámbitu preparasaun ba simu Desentralizasaun Poder Lokál:

1. Hametin kapasidade instituisionál no rekursu umanus;

2. Governu lokál no funsionáriu sira presiza kontinua hetan formasaun hodi nune’e bele jere orsamentu no programa sira;

3. Prezisa hala’o atendimentu ho transparente, efisiente, no tau povu nia presiza nu’udar prioridade;

4. Fó Kbiit ba ekonomia lokál no produsaun agríkola: Tanba Baucau iha potensialidade bootiha agrikultura;

5. ita tenke apoia liu tan to’os-na’in sira hodi garante seguransa ai-han, nune’e labele depende ba li’ur.

6. Melhoramentu infraestrutura bázika: Servisu públiku hanesan estrada rurál, bee-moos, fasilidade saude, no eskola sira presiza kontinua hadi’a atu liga komunidade iha postu administrativu no suco sira ho fasil.

7. Partisipasaun ativa komunidade: Desentralizasaun signifika poder mai besik povu. Tan ne’e, komunidade rasik tenke envolve-an hato’o hanoin no kontrola dezenvolvimentu iha sira-nia fatin rasik.

Nu’udar parte mós husi komemorasaun Loron Aihan Mundial ba dala 45, ita labele haluha katak seguransa alimentár no nutrisaun mak pilár prinsipál ba protesaun moris nian.

Parte ida husi kompetisaun aihan nutritivu ne’ebé halao dadaun, ne’e hanesan atividade estratéjika ida hodi enkoraja komunidade, liuliu inan sira, atu uza produtu lokál no organiku sira ne’ebé iha kualidade nutritivu aas hodi kombate malnutrisaun ka desnutrisaun iha labarik sira-nia leet. Husi

kompetisaun ne’e, ita hatudu katak Baucau iha potensialidade boot atu produz hahan ne’ebé saudavel, nutritiva no sustentável, hodi asegura katak ita-nia jerasaun foun moris ho saude no matenek ne’ebé di’ak liu.

Kona-ba Kompetisaun Ai-han Nutritivu

Atividade ida ne’ebé dada atensaun mak kompetisaun ai-han nutritivu no produsaun lokal. Kompetisaun ida-ne’e la’ós de’it atu hatudu arte ka abilidade kulinária, maibé nia objetivu prinsipál mak atu:

* Hasa’e konsiénsia komunidade nian kona-ba importansia ai-han ne’ebé iha nutrisaun di’ak

* hodi kombate malnutrisaun.

* Fó hanoin ba inan-aman no juventude sira katak ai-han ne’ebé saudável bele hetan rasik

* husi ita-nia rai-laran liuhusi produsaun agrikola lokál.

* Enkoraja estudante no joven sira atu iha kriatividade no apresiasaun ba hahalok han-moris

* ne’ebé sustentável no saudável.

Parabéns ba Munisípiu Baukau ba nia aniversáriu ba dala 10, no mós ba ita hotu nia esforsu iha Loron Ai-han Mundiál ba dala 45. Husik ita hamutuk harii Baukau no Timor-Leste ne’ebé iha seguransa ai-han no nutrisaun ne’ebé di’ak liu ba futuru!

Iha serimonia ne’e mos Diretor Geral Desentralizasaun Governu Lokal (DG-DGL) Sr. Antonio A. Guterres hateten ohin loron ida ne’e serimonia rua ida komemorasaun ai-han mundial nian nomos ida tranformasaun Distritu sub-Distritu tranforma ba Munisipiu no Postu Administrativu iha teritoria laran tomak.

Politika desentralizasaun nian iha faze tolu

Faze Ida koalia kona ba deskonsentrasaun administrativa neebe instala iha 1 setembru 2016 ho nia ekualamentu legal ida dekretu lei 3 iha 6 marsu iha faze primeiru atu transforma distritu ba munisipiu e 4 ba Autoridade 8 lao ho administrasaun munisipal iha altura ne’eba transformasaun ida nee Signifikante liu la iha indifikasaun.

Tamba saida mak munisipiu 4 ne’e transforma ba distritu ba liu autoridade munsipal 8 la’o neneik Administrasaun munisipal ne’ebe lidera husi administrador 1 no sekretariu 1 Servisu munisipais instrumentais 8 operasionalizasaun Ida misionaris Ida ne’ebe atribui komprtensia husi Governu sentral mai lokal 11 ho rejime ida neebe uza rejime administrativu uniku la iha rejime sira seluk tan. Ne faze ida intalasaun e preparatoriu atu hakat ba faze tuir mai.

Faze tuir mai alterasaun dekretu3/2016 marsu ba dekretu 84/2023 transforma prosesu administrativa intituisional atu responde ba objetivu desentralizasaun ne’ebe aborda kestoens politika iha palavras estratejiku dezenvolvimentu nasionál iha objetivu segundu promove instituisaun estadu ne’ebe kredivel iha nia teritoria laran rasik.

“Ha’u hakarak partilla ba lider lokal mai to dirijente munisipais sira aleinde mandatu kontituisaun RDTL iha planu estratejiku Dezenvolvimentu nasional mos aborda kestoens 4 iha ne’eba ida mos promove setor provado area rural, ida ba dezenvolve intituisaun estadu neebe forte no kredivel , iha kria partisipasaun demokratiku” informa DG-DGL MAE.

Serimonia ne’e prense ho atividade karavana tradisionál, semináriu no kulinária tradisionál nune’e mos distribui ai-han produtu organiku ba komunidade sira.

Atividade ne’e marka Prezensa husi Diretores Jerais husi nasionál, Sekretáriu Munisipál, Diretóres Sevisu Munisípais, Administradór Postu-Administrativu sira, Diretóres Delegasaun Territorial,Kargu Xefia sira, Parseiru Dezenvolvimentu, Veterano/a, Sosiedade sivil, Autoridade Seguransa PNTL no F-FDTL, Autoridade lokál sira, Konviksaun Relijoza, funsionáriu, komunidade no estudante sira.

#Média

#GAT PAM BAUCAU 2026