𝐕𝐞𝐦𝐚𝐬𝐬𝐞: 𝐊𝐢𝐧𝐭𝐚, 18 𝐉𝐮ñ𝐮 2026-
Exelénsia PAM Baucau, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬 ho Exelénsia Sekretaria Estadu Igualdade (SEI) Sra. Elvina Sousa Carvalho, Komandante Polisia Nasional Timor-Leste (PNTL) Munisipiu Baucau, Superintedente Xefe João sancho pires, iha loron 18 Juñu hala’o Dialogu komunitaria prevensaun violensia bazeia ba jeneru iha Suku Ostico Postu Administrativu Vemasse Munisipiu Baucau.
Sekretária Estadu Igualdade (SEI) iha estratejia tolu ne’ebe implementa programa boot no ninian kna’ar prinsipál maka oinsa hamosu politika públika ida ne’ebé iha sensibilidade ba jeneru liuhosi ninia politika programa no orsamentu sira no oinsa maka atu interpreta ita nia lejislasaun sira ne’ebé iha no aplika iha ita nia rai bele iha sensibilidade ba jeneru , SEI nia knar ida maka atu koordena ba implementasaun politika no Advokasia nunee bele prevene no kombate forma sira husi violensia Bazeia ba jeneru.
Iha oportunidade ne’e Exelénsia PAM BAUCAU, 𝐃𝐫𝐚. 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hateten violensia ne’e afeta ba buat hotu-hotu violensia akontese nia impaktu Sosial boot tebes ba saúde ekonomia ba moris iha sosiedade nia laran.
“Ha’u husu atu Imi hotu ne’ebé mak hetan violensia atu labele tauk atu hatete sai tamba violensia domestika nee hanesan krimi publiku tamba ita hotu defende liberdade ema idak-idak nian se ita hotu hatene tane as no respeitu ita kontribui ba paz no estabilidade”
Iha intervensaun Exelénsia Sekretaria Estadu Igualdade (SEI) Sra. Elvina Sousa Carvalho hateten, ita koalia Kona ba violensia bazeia ba jeneru nee importante tebes atu ita bele halo prevensaun no kontrola an atu labele halo hahalok violensia hasoru maluk feto sira no mane Laos husi violensia fisiku deit maibe husi violênsia oin-oin tamba feto ho mane iha direitu neebe hanesan atu moris livre husi violensia hotu
Sekretária Estadu Igualdade (SEI) Sra. Elvina Sousa Carvalho, husu atu maluk sira ne’ebé mak hetan violensia husi familia, parseiru ou komunidade sira atu labele tauk hodi ba hato’o keixa tamba ita iha lei ne’ebé mak bele proteje feto ka mane husi violensia oin-oin.