Quelicai Antigo (Quelicai Antigo). Iha tinan 2024, Posto Administrativo Quelicai fahe ba Posto tolu (3) Quelicai, Quelicai Antigo no Matebian.
Nune’e,bazeia ba dadus husi SIGSA, total populasaun Posto Administrativo Quelicai Antigo hamutuk 7488, kompostu husi Mane: 3710 no Feto: 3778 ho Total Uma Kain: 2713.
Jeografia
Fronteira postu administrativu Quelicai Antigo tuir Jeografia, parte leste baliza ho Posto Laga, parte oeste ho postu administrativu Quelicai, parte norte haketak ho postu administrativu Baucau no parte sùl baliza ho Posto Baguia. Area superficie: 81.27 Km2 .
Postu administrativu Quelicai Antigo iha suku hat (4) mak hanesan tuir mai neé: Afaça, Guruça, Namanei, Uaitame. Total Aldeia iha Quelicai Antigo hamutuk: 16.
Setór Infrastrutura
Obras antigu mak hanesan rezidensia administrador postu administrativu, ofisiu postu administrativu, Igreja, no obra arkitetura portuguesa too dadaun barak mak sei utilize. nst.
Populasaun iha postu administrativu Quelicai Antigo barak mak seidauk hetan bee moos, bainhira presiza fase no haris tenke ba dook kilometro 4-7 mak foin hetan bee (tenke ba mota) suku nebee iha Quelicai Antigo uitoan mak iha bee mos husi bee matan hun maibe iha difikuldades dala ruma atu asesu iha tempu bai loron. Komunidade hola be husi Baucau Vila.
Suku iha postu administrativu Quelicai Antigo kuaze hetan hotu ona eletrisidade maibe iha nivel suku hat.
Meus ba komunikasaun iha postu administrativu Quelicai Antigo kuaze iha hotu ona mak hanesan rede telefone, internet, no mos radiu ho televizaun.
Setór Agrikultura
Iha sub munisípiu Quelicai Antigo mak hanesan hare, batar, fehuk- midar, ai-farina, koto, fehuk-roupa, repollu, kafé, mostarda, talas, kontas, lis- mean, lis- mutin, Kamii, nuu, hudi, haas, sabraka, jambua, kulu, kulu jaka, Ai-nanas no seluk- seluk tan
Animal sira nebee populasaun Quelicai Antigo hakiak mak hanesan: Karau-Timor, karau-baka, kuda, bibi- timor, bibi- malae, manu, fahi no asu.
Setór Edukasaun
Parte edukasaun iha postu administrativu Quelicai Antigo iha mudansa boot bainhira ita kompara ho tempu Portugues no Indonézia tamba kuaze suku hotu-hotu iha Quelicai Antigo laran iha hotu ona eskola EBC Filial, maske fasilidade, ekipamentu, material no mestre seidauk sufisiente ba eskola hotu- hotu.
TTotal Eskola Publiku no Privada husi Ensino Basico Filial to’o Sekundariu iha Postu Administrativu Quelicai Antigo hamutuk 12 Eskolas, kompostu husi:
Total Eskola EPE hamutuk 5 Eskolas
Total Eskola EBF hamutuk 11 Eskolas
Total Eskola EBC hamutuk 1 Eskola
Total Eskola Sekundaria hamutuk 1 Eskolas
Saude
Posto Saude Afaca.
Turizmu
Quelicai Antigo nia panaroma ne’ebe furak tebes sei sai fatin tourizmu iha futuru. Dadaun ne’e Quelicai Antigo sei enfrenta dificuldade estrada. Rekurzu iha area turizmu seidauk hetan beneficiu husi fatin turizmu nian. Fatin ne’ebe potensia dada turistas mak hanesan foho Uadaboru, Rai Kuak Subar Fatin Susugua, Uma Antigo Escola Afaca nst.
Lingua
Lingua nebee populasaun postu administrativu Quelicai Antigo uza hodi halo komunikasaun mak hanesan:Makasa’e: Lian nee maioria populasaun koalia hodi halo komunikasaun ba malu.