Quelicai (iha lia-portugés: Quelicai) postu administrativu ida iha munisípiu Baukau, Timór Lorosa’e nian. Bazeia ba Census Populasaun tinan 2022, total Populasaun Posto Administrativo Quelicai hamutuk 18,349 mane hamutuk ema  9185 e feto 9164. Entre total populasaun nee, idade husi 0-14 hamutuk ema 4750, idade 15-59 hamutuk ema 6728 e idade 60 ba leten hamutuk 1484.

• Abafala
• Abo
• Afaca
• Baguia
• Bualale
• Guruca
• Lacolio
• Laisorolai de Baixo
• Laisorolai de Cima
• Letemumo
• Macalaco
• Maluro
• Namanei
• Uaitame

Jeografia

Fronteira postu administrativu Quelicai tuir Jeografia, parte leste baliza ho Posto Laga, parte oeste ho postu administrativu Ossu no Venilale, parte norte haketak ho postu administrativu Baucau no parte sùl baliza ho Posto Baguia. Área 205,65 km².[1]

Postu administrativu Quelicai iha suku sanulu resi lima (15) mak hanesan tuir mai neé: Abafala, Abo, Afaça, Baguia,  Bualale, Guruça, Lacoliu, Laisorolai De Baixo, Laisorolai De Cima, Lelalai, Letemumo, Macalaco, Maluro, Namanei, Uaitame.

Setór Ekonomia

Sentru ba rendimentu populasaun Quelicai maka merkadu Quelicai nebee bazar iha loron Kuarta no Sabado. Liu husi bazar nee populasaun bele faan sira nia produtu oi-oin atu bele hatutan sira nia vida moris.

Komersio no negosiu maka loja kiik no kantina nebee faan sasan alimentar nebee limitadu ka uituan deit. Baibain sasan sira nee sosa iha Kapital Baukau ou Dili e balun husi produsaun povo nian.

Industria kiik iha postu administrativu refere mak dulas hare, dulas batar, halo kripik, homan luhu modelu oi-oin, halo tais, no fore-rai sona, fehuk sona, hudi sosa no sel-seluk tan.

Fatin nebee potensia ba Turizmu iha futuro mak hanesan Foho Matebian, too agora sedauk hetan rendementu husi parte Turismu tamba seidauk bele asesu estrada nebee diak.

Setór Infrastrutura

Obras antigu mak hanesan rezidensia administrador postu administrativu, ofisiu postu administrativu, Igreja, no obra arkitetura portuguesa too dadaun barak mak sei utilize. nst.

Kondisaun Estrada Baucau ba Quelicai agora Iha faze konstrusaun husi Kompania Internasional CICO. Iha tempu okupasaun Indonesia kuaze alkatraun atu tama too suku maibee alkatrasaun sira nee aat hotu ona, e estrada sai fali bee dalan iha tempu udan. Nunee suku barak labele faan nia produtu lokal tanba iha preokupasaun oi-oin ba transporte, karreta boot deit mak bele tama, kareta mikrolet la tama.

Populasaun iha postu administrativu Quelicai Vila barak mak seidauk hetan bee moos, bainhira presiza fase no haris tenke ba dook kilometro 4-7 mak foin hetan bee (tenke ba mota) suku nebee iha Quelicai vila uitoan mak iha bee mos husi bee matan hun maibe iha difikuldades dala ruma atu asesu iha tempu bai lororn. Komunidade hola be husi Baucau Vila.

Suku iha postu administrativu Quelicai kuaze hetan hotu ona eletrisidade maibe iha nivel suku tolu.

Meus ba komunikasaun iha postu administrativu Quelicai kuaze iha hotu ona mak hanesan rede telefone, internet, no mos radiu ho televizaun.

Setór Agrikultura

Iha sub munisípiu Quelicai mak hanesan hare, batar, fehuk- midar, ai-farina, koto, fehuk-roupa, repollu, kafé, mostarda, talas, kontas, lis- mean, lis- mutin, Kamii, nuu, hudi, haas, sabraka, jambua, kulu, kulu jaka, Ai-nanas no seluk- seluk tan

Animal sira nebee populasaun Quelicai hakiak mak hanesan: Karau-Timor, karau-baka, kuda, bibi- timor, bibi- malae, manu, fahi no asu.

Setór Edukasaun
Parte edukasaun iha postu administrativu Quelicai iha mudansa boot bainhira ita kompara ho tempu Portugues no Indonézia tamba kuaze suku hotu-hotu iha Quelicai laran iha hotu ona eskola EBC Filial, maske fasilidade, ekipamentu, material no mestre seidauk sufisiente ba eskola hotu- hotu.
Total Eskola Primaria Publiku no Privada iha postu administrativu Quelicai hamutuk 18 Eskolas.
Total Ensino Basico hamutuk 16 Eskola
Total Eskola Sekundaria Jeral hamutuk 2 Eskola
Total Eskola Teknika Vokasional hamutuk 1 Eskola.

Turizmu

Quelicai nia panaroma ne’ebe furak tebes sei sai fatin tourizmu iha futuru. Dadaun ne’e Quelicai sei enfrenta dificuldade estrada tamba iha hela faze konstrusaun e rekursu iha area turizmu nune’e seidauk hetan beneficiu husi fatin turizmu nian. Fatin ne’ebe potensia dada turistas mak hanesan foho matebian.

Lingua

Lingua nebee populasaun postu administrativu Quelicai uza hodi halo komunikasaun mak hanesan:Makasa’e: Lian nee maioria populasaun koalia hodi halo komunikasaun ba malu.