𝐁𝐚𝐮𝐜𝐚𝐮:𝐒𝐞𝐠𝐮𝐧𝐝𝐚, 22 𝐉𝐮𝐧̃𝐮 2026-
Ministériu Administrasaun Estatál (MAE), liuhosi Diresaun nasional Apoiu Dezenvolvimentu Munisipál ne’ebé tutela iha
Diresaun Gerál Dezenvolvimentu Lokál fó Asistensia no formasaun integradu Kona- ba Planeamentu no jestaun instrumentu Desenvolvimentu Munisipál ba Diretor Servisu Munisipais Kargu Xefias no Funsionariu sira iha Autoridade Munisipál Baucau hodi haforsa estrutura Munisipál liuhosi formasaun.
Atividade ne’e abertura husi Sekretariu Munisipál Administrasaun Finansas Sr. Juvenal D. Filipe Belo ne’ebé reprezenta Exelénsia Prezidente Autoridade Munisipál iha Salaun Apuramentu Munisipál Baucau.
Sekretáriu Munisipál Administrasaun Finansas Sr. Juvenal D. Filipe Belo hateten formasaun ida ne’e importante tebes ne’ebé koalia Kona ba padraun atendementu publiku, oinsa atu halo atendementu publiku iha servisu fatin liuhosi ita nia prestasaun servisu. Aleinde ne’e dezemina planu Dezenvolvimentu komunitaria ne’ebé lao tiha ona no ezekusaun, monitorizasaun ba planu Dezenvolvimentu Munisipál.